بہار میں بڑے انتظامی ردوبدل، 16 آئی اے ایس افسران کا تبادلہ
Bihar News: بہار میں ایک نئے چیف سکریٹری اور نئے ڈی جی پی کی تقرری کے علاوہ سکریٹری اور کمشنر رینک کے 16 دیگر آئی اے ایس افسران کی ٹرانسفر پوسٹنگ کی گئی ہے، جس کا نوٹیفکیشن بھی جنرل ایڈمنسٹریشن ڈیپارٹمنٹ نے جاری کیا ہے۔ اس میں مشہور آئی اے ایس افسر، ڈیولپمنٹ کمشنر چیتنیا پرساد اور محکمہ زراعت کے سکریٹری سنجے اگروال کے محکموں میں بھی ہیرا پھیری کی گئی ہے۔
ان آئی اے ایس افسران کا کیا گیا تبادلہ
بہار میں ہفتہ کو ایک بڑا انتظامی ردوبدل کیا گیا۔ ریاست میں 16 آئی اے ایس افسران کا تبادلہ کیا گیا ہے۔ چیف منسٹر نتیش کمار کی قیادت میں این ڈی اے کی حکومت والے بہار میں ہفتہ کو ایک بڑے انتظامی ردوبدل میں آئی اے ایس افسران کا تبادلہ کیا گیا۔ ہرجوت کور کو محکمہ سماجی بہبود کا اے سی ایس بنایا گیا ہے۔ سنتوش مال کو محکمہ آبی وسائل کا پرنسپل سکریٹری مقرر کیا گیا ہے۔ لوکیش کمار سنگھ کو محکمہ خزانہ کا سکریٹری بنایا گیا ہے۔ پریم سنگھ مینا کو مگدھ ڈویژن کا کمشنر مقرر کیا گیا ہے۔ پرتیما ستیش ورما کو سائنس ٹیکنالوجی کا سکریٹری بنایا گیا ہے۔ پنکج کمار کو محکمہ توانائی کا سکریٹری اور وریندر پرساد یادو کو محکمہ زراعت کا سکریٹری مقرر کیا گیا ہے۔ ان افسران کے علاوہ دیاندھان پانڈے کو آرٹ اینڈ کلچر کا سکریٹری بنایا گیا ہے، آشیما جین کو ٹرانسپورٹ ڈپارٹمنٹ کا سکریٹری بنایا گیا ہے اور سنجے کمار سنگھ کو کمرشل ٹیکس ڈپارٹمنٹ کا سکریٹری بنایا گیا ہے۔
یہ بھی پڑھیں- Mob Lynching and Violence Case: مسلمانوں کی موب لنچنگ اور ان کے خلاف نفرت کا ماحول بنانے کا کون ہیں ذمہ دار؟
پریم سنگھ مینا کو بنایا گیا کمشنر
محکمہ سماجی بہبود کے سکریٹری پریم سنگھ مینا کا تبادلہ کرکے مگدھ ڈویژن کا کمشنر بنایا گیا ہے۔ اس کے ساتھ ہی مینا کو ایڈیشنل ڈائریکٹر جنرل وپارڈ گیا کا اضافی چارج بھی دیا گیا ہے۔ کمرشل ٹیکس ڈپارٹمنٹ کی سکریٹری پرتیما ستیش کمار ورما کو تبدیل کرکے سائنس، ٹیکنالوجی اور ٹیکنیکل ایجوکیشن ڈیپارٹمنٹ کا سکریٹری بنایا گیا ہے۔ پرتیما ورما کو بہار ایڈمنسٹریٹو ریفارمز مشن سوسائٹی کے ایڈیشنل مشن ڈائریکٹر کا اضافی چارج بھی دیا گیا ہے۔
-بھارت ایکسپریس
