آسام میں لینڈ جہاد اور لو جہاد کے خلاف بنایا جائے گا قانون، مسلمان ہندوؤں کی زمین نہیں خرید سکیں گے؟
آسام کے وزیر اعلیٰ ہمانتا بسوا سرما نے اتوار کو کہا کہ ریاستی حکومت جلد ہی لو جہاد کے خلاف قانون لائے گی اور مجرم کے لیے عمر قید کی سزا کا انتظام کیا جائے گا۔ اس کے ساتھ انہوں نے بی جے پی حکومت کی طرف سے لئے گئے کچھ دیگر فیصلوں کا بھی اعلان کیا۔ ٰ ہمانتا بسوا سرما نے یہ اعلان گوہاٹی میں منعقدہ بی جے پی کی ریاستی ایگزیکٹو میٹنگ سے خطاب کرتے ہوئے کیا۔ انہوں نے کہا کہ یہ فیصلے ملک کے عوام کے حقوق کے تحفظ کے لیے کیے گئے ہیں۔ انہوں نے یہ بھی کہا کہ 2021 کے انتخابات سے قبل کیے گئے وعدے بھی پورے کیے جائیں گے۔
असम सरकार Land Jihad और Love Jihad को रोकने के लिए दो क़ानून ला रही है।
1️⃣ अगर कोई मुस्लिम हिंदू की संपत्ति ख़रीदना चाहता है या कोई हिंदू मुस्लिम की संपत्ति ख़रीदना चाहता है, तो उसे सरकारी अनुमति लेनी होगी।
2️⃣ लव जिहाद करने वालों को उम्रक़ैद की सजा दी जाएगी।… pic.twitter.com/NzVtwljHp7
— Himanta Biswa Sarma (@himantabiswa) August 4, 2024
ٰ ہمانتا بسوا سرما نے کہا کہ “انتخابات کے دوران ہم نے لو جہاد کے بارے میں بات کی تھی، آنے والے دنوں میں ہم ایک نیا قانون لا رہے ہیں جس میں لو جہاد کیس میں قصورواروں کو عمر قید کی سزا دی جائے گی۔” گجرات، ہماچل پردیش، جھارکھنڈ، مدھیہ پردیش، اتراکھنڈ اور اتر پردیش جیسی ریاستوں میں ‘لو جہاد’ کے قوانین بنائے گئے ہیں۔
اس کے ساتھ انہوں نے یہ بھی کہا کہ ریاست میں مسلمانوں کو زمین کی فروخت کو روکنے کے لیے مختلف اقدامات کیے جائیں گے۔ انہوں نے کہا کہ ریاست میں ہندوؤں اور مسلمانوں کے درمیان زمین کے لین دین کے لیے وزیر اعلیٰ کی رضامندی کو ضروری بنایا جائے گا۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
