![](https://urdu.bharatexpress.com/wp-content/uploads/2024/02/Nilesh-Rane.jpg)
نیلیش رانے کے قافلے پر پتھراؤ ، بی جے پی اور شیوسینا یو بی ٹی کے کارکنوں میں تصادم، آنسو گیس کے گولے ذاغنے پڑے
Maharashtra Clash: مہاراشٹر کے رتناگیری میں بی جے پی لیڈر اور سابق ایم پی نیلیش رانے کے قافلے پر حملہ ہوا ہے۔ ذرائغ کے مطابق سابق ایم پی نیلیش رانے کی گاڑی پر پتھراؤ ہوا ہے۔جس کے بعد 16 فروری کو مہاراشٹر کے رتناگیری میں بی جے پی اور شیوسینا (یو بی ٹی) کے کارکنوں کے درمیان جھڑپ ہوئی۔ ہنگامہ اس قدر بڑھ گیا کہ بعد میں پولیس کو حالات پر قابو پانے کے لیے آنسو گیس کے گولے داغنے پڑے۔
پی ٹی آئی کی رپورٹ کے مطابق ایک اہلکار نے بتایا کہ مرکزی وزیر نارائن رانے کے بیٹے نیلیش رانے گوہاگر میں ایک ریلی سے خطاب کرنے جا رہے تھے۔ یہ واقعہPatpanhale College کے قریب یہ واقعہ پیش آیا۔ بتایا جا رہا ہے کہ رانے اور شیو سینا (یو بی ٹی) لیڈر بھاسکر جادھو کے حامی آپس میں ایک دوسرے سے ٹکرا گئے۔
نیلیش رانے کی گاڑی پر پتھراؤ کیا گیا
نیلیش رانے اور بھاسکر جادھو کے حامیوں کے درمیان تصادم کو قابوکرنے کے لیے پولیس فورس بھی بھیجی گئی۔ دونوں پارٹیوں کے حامیوں کی بڑی تعداد موقع پر پہنچ گئی۔ علاقے میں حالات معمول پر لانے کے لیے آنسو گیس کے گولے داغنے پڑے۔ بتایا جا رہا ہے کہ سب سے پہلے کسی نے نیلیش رانے کی گاڑی پر اس وقت پتھراؤ کیا جب وہ جلسہ میں شرکت کے لیے جا رہے تھے۔ گوہاگر پولیس اسٹیشن کے ایک اہلکار کے مطابق بی جے پی کارکن موقع پر جمع ہوئے ۔جس کے بعد دونوں پارٹیوں کے کارکنوں کے درمیان جھڑپ شروع ہوگئی۔ کئی کارکن زخمی ہوئے ہیں۔ پتھراؤ کے دوران کئی گاڑیوں کو نقصان پہنچا۔
یہ بھی پڑھیں:آج عملی طور پر عدالت میں پیش ہوئے سی ایم کیجریوال، 16 مارچ کو ذاتی طور پر پیش ہونے کا حکم
نیلیش نارائن رانے کا بیٹا ہے؟
نیلیش رانے سابق ایم پی اور بی جے پی لیڈر ہیں۔ وہ مرکزی وزیر نارائن رانے کے بڑے بیٹے ہیں۔ نیلیش رانے بی جے پی ایم ایل اے نتیش رانے کے بھائی بھی ہیں۔ اس واقعہ پر ردعمل دیتے ہوئے ریاست کے نائب وزیر اعلی دیویندر فڑنویس نے کہا ہے کہ اپوزیشن کی گھبراہٹ صاف نظر آرہا ہے۔ انہوں نے کہا ہے کہ چپلون واقعہ کے ذمہ داروں کے خلاف سخت کارروائی کی جائے گی۔ کہا جاتا ہے کہ سینئر بی جے پی لیڈر نارائن رانے اور شیو سینا یو بی ٹی ایم ایل اے بھاسکر جادھو کے درمیان پہلے سے ہی سیاسی اختلافات ہیں۔
بھارت ایکسپریس