شیوسینا لیڈر سنجے راوت نے جموں و کشمیر کے ریاسی میں ہوئے دہشت گردانہ حملے کو لے کر پی ایم نریندر مودی کو نشانہ بنایا ہے۔ انہوں نے کہا، جب وہ حلف لے رہے تھے،تب کشمیر میں 9 لوگ مارے گئے ۔ انہیں جموں کشمیر اور منی پور کی فکر نہیں ہے۔
اتوار کو جموں و کشمیر کے ریاسی میں دہشت گردوں نے یاتریوں کی بس پر فائرنگ کی۔ اس کے بعد بس بے قابو ہو کر کھائی میں جاگری۔ اس حادثے میں 9 لوگوں کی موت ہو گئی ہے۔ اس حملے کے بعد دہشت گرد جنگلوں کی طرف فرار ہو گئے۔ سکیورٹی فورسز نے پورے علاقے کو گھیرے میں لے کر سرچ آپریشن شروع کر دیا ہے۔ سیکورٹی فورسز دہشت گردوں کی تلاش میں مصروف ہیں۔ حملے میں 2 سے 3 دہشت گردوں کے ملوث ہونے کا امکان ہے۔
دہشت گردوں نے یہ حملہ ایسے وقت کیا جب نریندر مودی دہلی میں وزیر اعظم کا حلف اٹھا رہے تھے۔ ایسے میں اپوزیشن جماعتوں نے اس حملے کو لے کر پی ایم مودی پر حملہ کیا ہے۔ سنجے راوت نے کہا کہ انہیں جموں کشمیر اور منی پور کی فکر نہیں ہے۔ یہ حکومت گجرات ایسٹ انڈیا کمپنی ہے۔
کھڑگے نے کہا ہم اس حملے کی مذمت کرتے ہیں
کھڑگے نے ٹویٹ کیا، “جب نریندر مودی اور ان کی حکومت حلف لے رہی ہے، کئی ممالک کے سربراہان ہندوستان میں موجود ہیں، یاتریوں کو لے جانے والی بس پر دہشت گردانہ حملے میں کم از کم 9ہندوستانی اپنی جان سے ہاتھ دھو بیٹھے۔” ہم اس حملے کی مذمت کرتے ہیں اور یہ ہماری قومی سلامتی کی جان بوجھ کر توہین ہے۔
کھڑگے نے متاثرین کے اہل خانہ سے تعزیت کا اظہار کیا اور زخمیوں کی جلد صحت یابی کی پراتھنا کی۔ انہوں نے کہا کہ حکومت اور حکام متاثرین کو فوری امداد اور معاوضہ فراہم کریں۔ انہوں نے کہا کہ صرف تین ہفتے پہلے پہلگام میں سیاحوں پر فائرنگ ہوئی تھی اور جموں و کشمیر میں دہشت گردی کے کئی واقعات ہورہے ہیں۔ مودی (اب این ڈی اے) حکومت کی طرف سے امن لانے کا کے لئے سینہ ٹھوکنے والا پروپیگنڈہ کھوکھلا لگتا ہے۔ بھارت دہشت گردی کے خلاف ہم متحد ہیں۔
مرکزی وزیر راج ناتھ سنگھ نے اتوار کو جموں و کشمیر کے ریاسی علاقے میں یاتریوں کو لے جانے والی بس پر دہشت گردانہ حملے کو قابل مذمت قرار دیا۔
انہوں نے کہا کہ میری تعزیت ان خاندانوں کے ساتھ ہے جنہوں نے یاتریوں کے خلاف اس گھناؤنے فعل میں اپنے پیاروں کو کھو دیا۔ میں زخمیوں کی جلد صحت یابی کے لیے پراتھنا کرتا ہوں۔
دہشت گرد حملے کے قصورواروں کو بخشا نہیں جائے گا: امت شاہ
مرکزی وزیر امت شاہ نے کہا کہ ریاسی، جموں و کشمیر میں یاتریوں پر دہشت گردانہ حملے میں ملوث افراد کو بخشا نہیں جائے گا۔ اتوار کو دوسری بار مرکزی وزیر کے طور پر حلف لینے کے فوراً بعد امت شاہ نے کہا کہ انہوں نے جموں و کشمیر کے لیفٹیننٹ گورنر منوج سنہا اور پولیس کے ڈائریکٹر جنرل آر آر سوین سے صورتحال کے بارے میں دریافت کرنے کے لیے بات کی۔
بھارت ایکسپریس
