گجرات میں شدید بارش کی وجہ سے ریاست کے حالات معمول پر نہیں آرہے ہیں اور جنوب کی ریاست آندھرا پردیش اور تلنگانہ میں بھی بارش نے لوگوں کی مشکلات میں اضافہ کردیا ہے۔ تلنگانہ میں بارش کی وجہ سے ٹرین خدمات متاثر ہوئی ہیں۔ محبوب آباد ضلع میں واقع کیسمودرم کو جوڑنے والا ریلوے ٹریک مکمل طورپرپانی میں ڈوب گے۔ جس کی وجہ سے وجئے واڑہ سے ورنگل اور دہلی سے وجئے واڑہ جانے والی ٹرینوں کو روک دیا گیا ہے۔ وہیں آندھرا پردیش میں شدید بارش کی وجہ سے 8 لوگوں کی موت ہو گئی ہے۔
بارش کے پیش نظر تلنگانہ کے چیف منسٹر ریونت ریڈی نے تمام عہدیداروں کو کسی بھی ممکنہ واقعہ کو روکنے کے لئے محتاط رہنے کی ہدایت دی ہے۔ اس کے ساتھ وزیر اعلیٰ نے سیلاب سے متاثرہ علاقوں میں رہنے والے لوگوں کو کیمپوں میں جانے کا مشورہ بھی دیا ہے۔ حیدرآباد میں واقع محکمہ موسمیات کے مرکز نے اطلاع دی ہے کہ اتوار کو عادل آباد، نظام آباد، کاماریڈی، محبوب نگر، نارائن پیٹ سمیت کئی اضلاع میں موسلادھاربارش کی پیشن گوئی کی گئی ہے۔ اس حوالے سے ریڈ الرٹ جاری کر دیا گیا ہے۔
#WATCH | Mahabubabad, Telangana | A railway track between Kesamudram and Mahabubabad was inundated due to continuous heavy rainfall.
All trains from Vijayawada to Warangal, Warangal to Vijayawada, and Delhi to Vijayawada have been put on hold because of this.
(Source: Krishna,… pic.twitter.com/PK9c9ORMfl
— ANI (@ANI) September 1, 2024
تلنگانہ کے ان اضلاع میں بارش کا امکان
ریاستی حکومت نے بارش کے پیش نظر ریاست کے تمام اسکولوں کو بند کرنے کی ہدایت دی ہے۔ چیف سیکرٹری نے تمام ضلع مجسٹریٹس کو جان و مال کے نقصان سے بچنے کے لیے احتیاطی تدابیر اختیار کرنے کی ہدایت کی ہے۔
مرنے والوں کے لواحقین کو پانچ پانچ لاکھ روپے
آندھرا پردیش میں موسلا دھار بارش کی وجہ سے گزشتہ ہفتہ کو 8 افراد کی موت ہو گئی۔ وجئے واڑہ میں مٹی کے تودے گرنے سے پانچ اموات ہوئیں۔ اس کے بارے میں آندھرا پردیش کے وزیر اعلی این چندرا بابو نائیڈو نے لینڈ سلائیڈنگ کے متاثرین کے خاندانوں کو فی کس 5 لاکھ روپے کی امدادی رقم کا اعلان کیا۔
بھارت ایکسپریس
