سابق وزیر اعظم ڈاکٹر منموہن سنگھ کو ان کی جینتی (سالگرہ) کے موقع پر ملک بھر سے خراج عقیدت پیش کی گئی۔ پی ایم نریندر مودی، کانگریس صدر ملکارجن کھڑگے، سابق کانگریس صدر راہل اور کانگریس کی جنرل سیکریٹری پرینکا گاندھی نے ان کے طویل عوامی خدمت کے سفر اور ملک کی ترقی میں ان کے اہم کردار کو یاد کرتے ہوئے انہیں زبردست خراج پیش کیا۔
پی ایم مودی نے “ایکس” پر پوسٹ کرتے ہوئے کہا:”سابق پی ایم ڈاکٹر منموہن سنگھ جی کو ان کی جینتی پر خراج عقیدت۔ ہم ان کے طویل عوامی زندگی میں ملک کی خدمت کے لیے ان کے تعاون کو یاد کرتے ہیں۔”
Tributes to former PM Dr. Manmohan Singh Ji on his birth anniversary. We recall his contributions to our nation during his long years in public life.
— Narendra Modi (@narendramodi) September 26, 2025
کانگریس صدر کھڑگے نے ڈاکٹر سنگھ کی سادگی، ایمانداری اور دور اندیشی کو یاد کرتے ہوئے کہا کہ وہ بھارت کی اقتصادی تبدیلی کے معمار تھے۔ کھڑگے نے کہا: ان کے معاشی اصلاحات کے وژن نے نئے مواقع کے دروازے کھولے، متوسط طبقہ کو مضبوط کیا اور کروڑوں خاندانوں کو غربت سے باہر نکالا۔ وہ ہم سب کے لیے عوامی زندگی میں ایمانداری اور وقار کی زندہ مثال تھے۔
راہل گاندھی نے بھی ایک جذباتی پیغام میں کہا: سابق وزیر اعظم ڈاکٹر منموہن سنگھ جی کی جینتی پر انہیں میرا سادھارن نمن۔ ملک کی تعمیر کے لیے ان کی غیر متزلزل لگن، غریبوں اور محروم طبقات کے لیے ان کے جراتمند فیصلے، اور مضبوط معیشت کی تشکیل میں ان کا تاریخی تعاون ہمیشہ ہمیں راستہ دکھاتا رہے گا۔ انہوں نے مزید کہا کہ ڈاکٹر سنگھ کی سادگی، انکساری اور ایمانداری ہم سب کے لیے ہمیشہ مشعلِ راہ رہیں گے۔
پرینکا گاندھی وادرا نے بھی ڈاکٹر سنگھ کو یاد کرتے ہوئے کہا: اپنی دور اندیشی سے ڈاکٹر منموہن سنگھ جی نے ملک کو غیرمعمولی ترقی کے راستے پر گامزن کیا۔ انہوں نے شفاف اور ہمہ گیر معاشی ترقی کے ذریعے غریبوں، دلتوں اور پسماندہ طبقات کو بااختیار بنایا۔ ان کی سادگی، محنت اور ملک کے تئیں عقیدت ہم سب کے لیے ترغیب کا باعث ہے۔”
ڈاکٹر منموہن سنگھ کا جنم 26 ستمبر 1932 کو پنجاب کے گاہ گاؤں میں ہوا تھا، جو آج پاکستان میں واقع ہے۔ وہ 2004 سے 2014 تک ملک کے وزیرِ اعظم رہے۔ 26 دسمبر 2024 کو ان کا انتقال ہوا۔
ملک کے اقتصادی ڈھانچے کو مضبوط کرنے، لبرلائزیشن کی پالیسیوں اور مالیاتی نظم و ضبط جیسے شعبوں میں ڈاکٹر سنگھ کا کردار ناقابلِ فراموش رہا ہے۔ آج ان کی جینتی پر تمام سیاسی حلقے ان کے علمی، سادہ مگر مضبوط قیادت کے طور طریقوں کو سلام کر رہے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
