افغانستان کے ہرات صوبے میں منگل کی رات ایک خوفناک سڑک حادثہ پیش آیا، جس میں 17 بچوں سمیت 71 افراد جاں بحق ہو گئے۔ حادثے میں زخمی ہونے والے کچھ افراد کا علاج اب بھی اسپتال میں جاری ہے۔
یہ حادثہ اُس وقت پیش آیا ،جب ایران سے بے دخل کیے گئے افغان مہاجرین کو لے جانے والی ایک بس سڑک پر جا رہی تھی، جو ایک ٹرک اور موٹر سائیکل سے ٹکرا گئی اور حادثے کا شکار ہو گئی۔ تصادم کے بعد بس میں شدید آگ لگ گئی، جس کے نتیجے میں 71 افراد جان کی بازی ہار گئے۔
د اطفايې مسؤلين په ډير ليږ وخت کي د حادثی ځای ته ورسيدل خو متاسفانه په ژغورلو ونه توانيدل pic.twitter.com/cj3RhQc25H
— Ahmadullah Muttaqi | احمدالله متقي (@Ahmadmuttaqi01) August 19, 2025
صوبائی حکومت کے اہلکار نے تصدیق کی
صوبائی حکومت کے ترجمان احمد اللہ متقی نے ایکس پر ایک پوسٹ میں ہلاکتوں کی تعداد کی تصدیق کی اور اس سڑک حادثے کو حالیہ دنوں کے سب سے المناک حادثات میں سے ایک قرار دیا۔ انہوں نے لکھا:“ہرات میں ایک بس ٹرک اور موٹر سائیکل سے ٹکرا گئی، جس کے نتیجے میں 71 افراد شہید ہو گئے۔”
یہ بھی پڑھیں: دہلی کی وزیراعلیٰ ریکھا گپتا پر حملہ، ملزم گرفتار، حملے پر کانگریس کا شدید ردعمل
اس حادثے کی ویڈیو سوشل میڈیا پر بڑے پیمانے پر گردش کر رہی ہے، جس میں دیکھا جا سکتا ہے کہ کس طرح آگ نے بس کو اپنی لپیٹ میں لے رکھا ہے، اور آس پاس کھڑے لوگ خوف میں مبتلا نظر آ رہے ہیں۔
صوبائی اہلکار محمد یوسف سعیدی نے مقامی میڈیا کو بتایا کہ بس ایران سے بے دخل کیے گئے افغان مہاجرین کو لے کر کابل جا رہی تھی۔ سعیدی نے ایران میں داخلے کے اہم مقام کا ذکر کرتے ہوئے کہا، “تمام مسافر مہاجر تھے، جو اسلام قلعہ سے گاڑی میں سوار ہوئے تھے۔”
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
