بھارت کی صاف توانائی کی تبدیلی کی سمت میں ایک تاریخی کامیابی کے طور پر، دین دیال پورٹ اتھارٹی (ڈی پی اے)، کاندلہ نے آج ملک کا پہلا “میک ان انڈیا” 1 میگاواٹ کا گرین ہائیڈروجن پلانٹ کاندلہ میں شروع کردیا گیا ۔ اس پلانٹ کا افتتاح مرکزی وزیر برائے بندرگاہ، جہاز رانی اور آبی گزرگاہیں سربانند سونووال نے کیا، ان کے ہمراہ ریاستی وزیر شانتیو ٹھاکر، وزارت کے سیکریٹری ٹی کے رام چندرن (آئی اے ایس)، دین دیال پورٹ اتھارٹی کے چیئرمین سشیل کمار سنگھ (آئی آر ایس ایم ای)، اور ایل اینڈ ٹی سمیت دیگر سینئر افسران موجود تھے۔
یہ کامیابی وزیر اعظم نریندر مودی کی دور اندیش قیادت میں بھارت کی ترقی کا ایک قابلِ فخر ثبوت ہے اور بھارت کے نیٹ زیرو عزم کی جانب ایک اہم قدم ہے۔
وزیر موصوف نے اس منصوبے کی تیزی سے تکمیل کی تعریف کی۔ انہوں نے یاد دلایا کہ 26 مئی 2025 کو بھُج کے دورے کے دوران وزیر اعظم نے 10 میگاواٹ صلاحیت والے گرین ہائیڈروجن پلانٹ کا سنگ بنیاد رکھا تھا۔ صرف چار مہینوں کی قلیل مدت میں، 10 میگاواٹ منصوبے کے پہلے مرحلے کے تحت 1 میگاواٹ کا پلانٹ فعال ہونا، ملک میں گرین ہائیڈروجن صنعت کے لیے عمل درآمد کا ایک نیا معیار قائم کرتا ہے۔ انہوں نے کہا کہ ڈی پی اے نے رفتار، پیمانہ اور مہارت کا بہترین مظاہرہ کیا ہے۔
اس کمیشننگ کے ساتھ، ڈی پی اے بھارت کی پہلی بندرگاہ بن گئی ہے جس نے “میک ان انڈیا” میگاواٹ سطح کی گرین ہائیڈروجن سہولت کا آغاز کیا ہے، جو سالانہ تقریباً 140 میٹرک ٹن گرین ہائیڈروجن پیدا کرنے کی صلاحیت رکھتی ہے۔ یہ کامیابی سمندری کاربن کے اخراج میں کمی کے لیے ایک اہم قدم ہے، جو پائیدار بندرگاہی آپریشن میں بھارت کی عالمی قیادت کو مزید تقویت دیتی ہے۔
گرین اقدامات کے لیے بندرگاہ کی مسلسل وابستگی کو سراہتے ہوئے، معزز وزیر نے ڈی پی اے کی سابقہ کامیابیوں پر روشنی ڈالی — جن میں بھارت کے پہلے “میک ان انڈیا” مکمل طور پر الیکٹرک گرین ٹگ کی تعیناتی شامل ہے۔ انہوں نے مکمل طور پر بھارتی انجینئرز کے تیار کردہ، خود کفیل اور مستقبل کے لیے تیار ہائیڈروجن نظام کے آغاز کی تعریف کی، جو دیگر بندرگاہوں کے لیے ایک نیا، ماحولیاتی دوست ماڈل پیش کرتا ہے۔
وزیر نے چیئرمین کی قیادت میں دین دیال پورٹ اتھارٹی کی پوری ٹیم کو دلی مبارکباد دی اور اس پیچیدہ منصوبے کو شاندار مہارت اور درستگی سے مکمل کرنے پر ایل اینڈ ٹی کے انجینئرز کی بھی تعریف کی۔
جیسے جیسے بھارت ایک گرین سمندری مستقبل کی طرف بڑھ رہا ہے، دین دیال پورٹ اتھارٹی اس تبدیلی میں قائدانہ کردار ادا کر رہی ہے — مثالیں قائم کرتے ہوئے اور قومی ترجیحات کے مطابق جدت کو فروغ دیتے ہوئے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
