دہلی –این سی آرمیں بدھ 5 فروری کی صبح شدید سردی اور گھنے کہرے کے ساتھ ہوئی، جس کے باعث شہر کے کئی علاقوں میں حدِ نگاہ انتہائی کم ریکارڈ کی گئی۔ بعض مقامات پر صورتحال ایسی رہی کہ سامنے کا راستہ واضح طور پر دکھائی نہیں دے رہا تھا، جس سے عام شہریوں کو آمدورفت میں سخت دشواریوں کا سامنا کرنا پڑا۔ خاص طور پر ہائی ویز اور کھلی سڑکوں پر دھند کا اثر زیادہ نمایاں رہا اور ٹریفک کی رفتار سست ہو گئی۔ بھارتی محکمۂ موسمیات کے مطابق 5 فروری کو دہلی-این سی آر میں کم سے کم درجۂ حرارت تقریباً 9 ڈگری سیلسیس جب کہ زیادہ سے زیادہ درجۂ حرارت 21 ڈگری سیلسیس کے آس پاس رہنے کا امکان ہے۔ رات کے اوقات میں پارہ مزید گر کر 8 سے 10 ڈگری سیلسیس تک پہنچ سکتا ہے۔ ماہرین کے مطابق مغربی اختلاج (ویسٹرن ڈسٹربنس) کا اثر اب بھی برقرار ہے، جس کی وجہ سے سردی کا احساس معمول سے زیادہ ہو رہا ہے۔ دن بھر آسمان پر جزوی بادل چھائے رہنے کی پیش گوئی بھی کی گئی ہے۔
محکمۂ موسمیات نے صبح کے وقت درمیانے سے گھنے کوہرے کے خدشے کے پیش نظر یلو الرٹ جاری کیا ہے۔ کئی علاقوں میں حدِ نگاہ کم ہو کر 50 میٹر تک رہنے کا امکان ظاہر کیا گیا ہے۔ ہلکی ہوائیں 8 سے 15 کلومیٹر فی گھنٹہ کی رفتار سے چل سکتی ہیں، جس سے دن کے وقت کچھ حد تک راحت مل سکتی ہے، تاہم سردی مکمل طور پر کم ہونے کے امکانات کم ہیں۔ کہرے کا اثر ہوائی اور ریلوے آمدورفت پر بھی پڑ سکتا ہے، جس کے باعث کئی پروازیں اور ٹرینیں تاخیر کا شکار ہو سکتی ہیں۔
سرد موسم اور کم ہوا کی رفتار کے باعث دہلی کی فضا خراب بنی ہوئی ہے۔ ہوا کا معیار ‘خراب’ زمرے میں رہنے برقرار ہے اور AQI کے 250 سے 300 کے درمیان بنی ہوئی ہے۔ صبح 6 بجے کے اعداد و شمار کے مطابق دہلی کا AQI 267 ریکارڈ کیا گیا، جس سے سانس کی بیماریوں میں مبتلا افراد کو خاص احتیاط برتنے کی ضرورت ہے۔ ڈاکٹروں نے مشورہ دیا ہے کہ لوگ گرم کپڑے پہنیں، گرم پانی کا استعمال کریں اور صبح و شام غیر ضروری طور پر باہر نکلنے سے گریز کریں، جب کہ بچوں اور بزرگوں کا خاص خیال رکھا جائے۔ محکمۂ موسمیات کے مطابق 6 سے 8 فروری تک بھی صبح کے اوقات میں کہرا برقرار رہ سکتا ہے،قابل ذکر بات یہ ہے کہ درجۂ حرارت میں معمولی اضافہ ممکن ہے۔ مغربی اختلاج کے کمزور ہوتے ہی آہستہ آہستہ موسم میں بہتری آنے کی امید ظاہر کی جا رہی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
