ملک کی مختلف ریاستوں میں بارش سے موسم خوشگوار ہوگیا ہے۔ (تصویر: ٹوئٹر)
weather update: دارالحکومت دہلی سمیت ملک کی کئی ریاستوں میں موسم نے ایک بار پھر کروٹ لے لی ہے۔ دیر رات بارش اور ژالہ باری کی وجہ سے موسم کافی خوشگوار ہوگیا ہے، جس کی وجہ سے درجہ حرارت میں تھوڑی گراوٹ آئی ہے۔ ہندوستانی محکمہ موسمیات کی پیشین گوئی ہے کہ شمالی ہندوستان میں ہلکی سے تیز بارش دیکھنے کو مل سکتی ہے۔ کئی ریاستوں میں بارش کے ساتھ اولے بھی دیکھنے کو ملی اور آگے بھی ہونے کا امکان ہے۔ دہلی اور این سی آر کے علاقوں کے علاوہ گجرات کے تاپی میں بارش اور ژالہ باری ہوئی۔
اترپردیش، گجرات، بہار، راجستھان، تلنگانہ سمیت کئی ریاستوں میں موسم کافی خوشگوار ہوگیا ہے۔ گزشتہ کئی دنوں سے مارچ کے مہینے میں ہی گرمی کا ستم دیکھنے کو مل رہا تھا۔ اب اس بارش کے بعد موسم کے خوشگوار ہونے سے گرمی سے تھوڑی راحت ملی ہے۔ اس کے ساتھ ہی لوگوں کو ہلکی سردی بھی محسوس ہو رہی ہے۔
#WATCH गुजरात: तापी जिले के सोनगढ़ में बारिश और ओलावृष्टि हुई। pic.twitter.com/Z82ojqKRRX
— ANI_HindiNews (@AHindinews) March 17, 2023
20 مارچ تک موسم رہ سکتا ہے خوشگوار
بتادیں کہ محکمہ موسمیات نے پیشین گوئی کی تھی کہ آنے والے 5 دنوں تک بارش، تیز ہواؤں کے ساتھ ژالہ باری ہوسکتی ہے۔ دہلی-این سی آر میں بھی 17 سے 20 مارچ تک بارش کے آثار بنے رہیں گے۔ اس کے علاوہ محکمہ موسمیات نے کہا کہ ہفتہ کے روز بادل چھائے رہیں گے۔ کچھ مقامات پر ہلکی بارش ہوگی۔ زیادہ سے زیادہ درجہ حرارت 29 اور کم از کم درجہ حرارت 16 ڈگری تک رہنے کا امکان ہے۔ اس کے بعد 19 مارچ کو بھی بارش ہوگی۔ زیادہ سے زیادہ درجہ حرارت 30 اور کم ازکم درجہ حرارت 16 ڈگری کے آس پاس رہ سکتا ہے۔’
دہلی میں پہلی بار درجہ حرارت معمول سے کم ریکارڈ کیا گیا ہے۔ جمعہ کے روز زیادہ سے زیادہ درجہ حرارت 30.4 ڈگری رہا۔ یہ معمول کے مطابق ہے۔ وہیں کم از کم درجہ حرارت 17.2 ڈگری رہی۔ یہ معمول سے ایک ڈگری زیادہ ہے۔ دارالحکومت دہلی میں آئندہ 24 گھنٹے کے دوران زیادہ سے زیادہ درجہ حرارت میں 3 ڈگری کی گراوٹ ہوسکتی ہے۔
ان ریاستوں میں موسم ہوا خوشگوار
محکمہ موسمیات کے مطابق، آندھرا پردیش، تلنگانہ، اوڈیشہ میں بارش ہونے سے موسم میں کافی تبدیلی آئی ہے۔ اس کے علاوہ اتراکھنڈ، ہماچل پردیش، جموں وکشمیر، گجرات، مدھیہ پردیش اور پنجاب میں بھی بارش کے ساتھ ژالہ باری ہوئی ہے۔
-بھارت ایکسپریس
