لوک سبھا انتخابات سے قبل بہار میں انڈیا الائنس کیلئے ایک اچھی خبر یہ آئی ہے کہ وکاس شیل انسان پارٹی یعنی وی آئی پی نے انڈیا اتحاد میں شمولیت اختیار کرلی ہے۔ مکیش ساہنی نےتیجسوی یادو اور کانگریس کے ساتھ مل کر باضابطہ طور پر اس کا اعلان کیا ہے اور اس دوران یہ بھی بتایا گیا کہ وی آئی پی بہا رمیں تین سیٹوں پر لوک سبھا میں اہنے امیدوار اتارے گی ۔ ان تین سیٹوں میں سے ایک موتیہاری کی سیٹ ہے جبکہ جھنجھارپوراور گوپال گنج بھی وی آئی پی کو دیا گیا ہے ۔ یہاں سے بھی مکیش ساہنی اپنے امیدواروں کو اتاریں گے اور انڈیا الائنس کے ساتھ مل کر لوک سبھا کا انتخاب لڑیں گے۔
#WATCH | Former Deputy Chief Minister of Bihar and RJD leader Tejashwi Yadav says, “…RJD will be contesting from 26 seats and our party has decided that from our quota we will be giving 3 seats to Mukesh Sahni’s party. The three seats- Gopalganj, Jhanjharpur & Motihari…” pic.twitter.com/QWfCLpY8bU
— ANI (@ANI) April 5, 2024
تیجسوی یادو نے کہا کہ آر جے ڈی اپنے کوٹے کی 26 سیٹوں میں سے تین سیٹیں مکیش ساہنی کو دے گی۔ مکیش ساہنی کی پارٹی کو گوپال گنج، جھنجھارپور اور موتیہاری ملی ہے۔ تیجسوی نے کہا، ‘مجھے خوشی ہے کہ مکیش ساہنی اب انڈیا الائنس کے ساتھ ہیں۔ الائنس کے تمام اتحادی انہیں ہمارے اتحاد میں خوش آمدید کہتے ہیں۔
مکیش ساہنی نے ہندوستانی جمہوریت کے حق میں اہم فیصلہ لیا ہے۔ تیجسوی نے کہا، ‘پورے ملک میں انتخابات ہو رہے ہیں۔ بہار 400 سیٹوں کا دعوی کرنے والوں کو شکست دے گا۔ حیران کن نتائج آنے والے ہیں۔ ہم ترقی پسند ہیں اور ہمارے پاس بہار کی ترقی کا ایک وژن اور روڈ میپ ہے۔ ہم دیکھ رہے ہیں کہ کس طرح آئین کو دبایا جا رہا ہے۔ آئین پر سمجھوتہ ہوا تو جمہوریت کو نقصان پہنچے گا۔موجودہ حکومت ملک میں آمریت مسلط کرنا چاہتی ہے۔
بھارت ایکسپریس۔
