نئی دہلی : تمل سنیما کے سپر اسٹار تھلاپتی وجے کے تمل ناڈو کے نئے وزیر اعلیٰ کے طور پر حلف لینے کے بعد فلمی دنیا میں خوشی کی لہر دوڑ گئی۔ چنئی کے جواہر لعل نہرو اسٹیڈیم میں منعقد شاندار تقریبِ حلف برداری کے فوراً بعد سوشل میڈیا پر وجے کو مبارکباد دینے کا سلسلہ شروع ہوگیا۔ فلم انڈسٹری کی کئی بڑی شخصیات نے وجے کے نئے سیاسی سفر کے لیے نیک خواہشات کا اظہار کیا اور ان کی قیادت میں تمل ناڈو کے روشن مستقبل کی امید ظاہر کی۔اداکار اور سیاستداں کمل ہاسن نے سوشل میڈیا پلیٹ فارم “ایکس” پر لکھا، “ٹی وی کے صدر اور تمل ناڈو کے وزیر اعلیٰ میرے بھائی وجے کی قیادت میں ریاست مزید ترقی کرے اور نئی بلندیوں کو چھوئے۔”معروف اداکار پرکاش راج نے بھی وجے کو مبارکباد دیتے ہوئے کہا کہ انہیں نئی ذمہ داری میں کامیابی ملے۔ انہوں نے لکھا، “وزیر اعلیٰ وجے کو دل کی گہرائیوں سے مبارکباد۔ آپ کی قیادت میں تمل ناڈو مزید خوشحال اور مضبوط بنے گا۔”
پرکاش راج کا یہ بیان خاصی توجہ حاصل کر رہا ہے کیونکہ انتخابات کے دوران وہ کھل کر وجے کی حمایت میں سامنے آئے تھے۔ جب وجے کو حکومت بنانے کا موقع نہ دیے جانے پر سوال اٹھ رہے تھے، تب بھی پرکاش راج نے عوامی فیصلے کا احترام کرنے کی بات کہی تھی۔ اب وجے کے وزیر اعلیٰ بننے کے بعد ان کے حامی پرکاش راج کے ان بیانات کو یاد کر رہے ہیں۔اداکارہ پوجا ہیگڑے نے بھی خاص انداز میں وجے کو مبارکباد دی۔ انہوں نے حلف برداری تقریب کی ایک تصویر شیئر کی، جس میں وجے وزیر اعلیٰ کے عہدے کا حلف لیتے دکھائی دے رہے ہیں۔ تصویر کے ساتھ پوجا نے لکھا، “چیف منسٹر وجے سر، آپ کو اس نئے سفر کے لیے بہت مبارک ہو۔”مشہور ہدایت کار اے آر مروگادوس نے وجے کے سیاسی سفر کو “نئی صدی کی شروعات” قرار دیا۔ ان کے مطابق وجے کی قیادت تمل ناڈو کی سیاست میں ایک نئے دور کا آغاز ثابت ہوگی۔آندھرا پردیش کے نائب وزیر اعلیٰ اور اداکار پون کلیان نے بھی وجے کو مبارکباد دیتے ہوئے کہا، “تمل ناڈو کے وزیر اعلیٰ کے طور پر حلف لینے پر وجے کو دلی مبارکباد۔ میں امید کرتا ہوں کہ نئی حکومت عوام کی توقعات پر پورا اترے گی، شفاف حکمرانی فراہم کرے گی اور ریاست کو ترقی و خوشحالی کی نئی راہ پر لے جائے گی۔”
مشہور کوریوگرافر اور اداکار پربھو دیوا نے وجے کو “ونڈر مین” قرار دیتے ہوئے ان کے لیے نیک خواہشات کا اظہار کیا۔ جبکہ اداکار وشنو مانچو نے وجے کے سیاسی سفر کو تاریخی قرار دیتے ہوئے کہا کہ سلور اسکرین سے سیاست کے میدان تک ان کا سفر غیرمعمولی کامیابی کی مثال ہے۔ معروف موسیقار سنتوش نارائنن نے اپنے پیغام میں لکھا کہ “یہ تمل ناڈو کے لیے نئی سوچ اور نئی شروعات کا موقع ہے۔ پہلی بار عام لوگ اتنی بڑی تعداد میں سیاست میں دلچسپی لیتے نظر آ رہے ہیں، جو ایک تاریخی تبدیلی ہے۔”اداکار اور ترنمول کانگریس کے رکن پارلیمنٹ شتروگھن سنہا نے بھی وجے کو مبارکباد دیتے ہوئے کہا، “تمل ناڈو کے وزیر اعلیٰ کے طور پر حلف لینے پر وجے کو دل کی گہرائیوں سے مبارکباد۔ آپ واقعی اس کے مستحق ہیں۔ میری دعا ہے کہ آپ اور آپ کی ٹیم کامیاب دور حکومت پیش کرے۔ جے ہند۔”
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
