بڑودرہ میں رام نومی کی شوبھا یاترا میں دو فرقوں میں تصادم ہوگیا ہے۔
Vadodara violence in Ram Navami Shobha Yatra 2023: گجرات کے بڑودرہ میں آج اس وقت افراتفری کا ماحول پید اہوگیا، جب فتح پورا گرناڈا علاقے کی ایک مسجد کے قریب دو فرقوں کے لوگ آپس میں بھڑگئے۔ پولیس کا کہنا ہے کہ رام نومی کی شوبھا یاترا پراچانک پتھراؤ شروع ہوگیا تھا، جس کی وجہ سے دونوں فرقوں میں تصادم ہوگیا۔ جبکہ مسلم فرقے کا کہنا ہے کہ مسجد کے قریب جب شوبھا یاترا پہنچی تو نعرہ بازی کرنے لگے اور ہنگامہ آرائی شروع ہوگئی۔ اس حادثہ کے بعد دونوں فرقے کے لوگ آمنے سامنےآگئے۔ بہرحال حادثہ کے بعد سے علاقے میں کشیدگی میں اضافہ ہوگیا ہے۔
وی ایچ پی کارکنان کا الزام ہے کہ شوبھا یاترا پُرامن طریقے سے گزررہی تھی، تبھی اچانک ان پر مسجد کے پاس پتھراؤ کیا گیا۔ اس ٹکراؤ کے دوران کئی گاڑیوں اوردوکانوں کوبھی ٹارگیٹ بنایا گیا۔ حالانکہ حادثہ کی جانکاری ملتے ہی موقع پر پہنچی پولیس نے محاذ سنبھالا۔ اعلیٰ افسران اورپوری تیاری سے پہنچی پولیس نے صورتحال کو قابو میں کرنے کے لئے لاٹھی چارج کیا۔
सिटी थाना क्षेत्र में एक मस्जिद के सामने दो गुटों के बीच टकराव हुआ था लेकिन कोई तोड़-फोड़ नहीं हुई है, मस्जिद के सामने से जब यात्रा निकल रही थी तब कुछ लोग एकत्रित हो गए थे लेकिन उन्हें समझाकर वापस भेज दिया गया। इलाके में शांति है, शोभा यात्रा आगे निकल चुकी है: यशपाल जगनिया, DCP,… pic.twitter.com/d7bXVr4trI
— ANI_HindiNews (@AHindinews) March 30, 2023
ڈی سی پی بڑودرہ یشپال جگنیا نے بتایا کہ شہرتھانہ علاقے میں ایک مسجد کے سامنے دوگروپوں کے درمیان ٹکراؤ ہوا تھا، لیکن کوئی توڑ پھوڑ نہیں ہوئی ہے، مسجد کے سامنے سے جب یاترا نکل رہی تھی، تب کچھ لوگ جمع ہوگئے تھے۔ تاہم انہیں سمجھا بجھاکرواپس بھیج دیا گیا۔ علاقے میں امن وامان ہے، شوبھا یاترا آگے نکل چکی ہے۔
یہ بھی پڑھیں: جہانگیر پوری علاقے میں پولیس کی اجازت کے بغیر نکالی گئی شوبھا یاترا، حالات کشیدہ، بڑی تعداد میں فورس تعینات
قابل ذکر ہے کہ گزشتہ سال بھی اسی طرح سے کھمبات اور ہمت نگر میں رام نومی کی شوبھا یاترا کے دوران دو گروپوں میں تصادم ہوا تھا۔ تب بھی پتھراؤ کی صورتحال پید ہوگئی تھی اور کشیدگی میں اضافہ ہوگیا تھا۔ بعد میں ملزمین کے گھروں پر پولیس نے بلڈوزر بھی چلایا تھا۔
-بھارت ایکسپریس
