نئی دہلی: اتر پردیش کے وزیر اعلیٰ یوگی آدتیہ ناتھ نے اتوار کو دہلی میں مرکزی وزیر داخلہ امت شاہ سے ملاقات کی۔ بعد ازاں انہوں نے بھارتیہ جنتا پارٹی کے قومی صدر اور مرکزی وزیر جے پی نڈا سے بھی خیرسگالی ملاقات کی۔ وزیراعلیٰ یوگی آدتیہ ناتھ نے ایکس پر لکھا، ’’آج نئی دہلی میں محترم مرکزی وزیر داخلہ و تعاون امت شاہ جی سے خیرسگالی ملاقات کی اور ان کی قیمتی رہنمائی حاصل کی۔ اپنے قیمتی وقت کے لیے تہہ دل سے شکریہ۔‘‘
माननीय केंद्रीय गृह एवं सहकारिता मंत्री श्री अमित शाह जी से आज नई दिल्ली में शिष्टाचार भेंट की एवं उनका मार्गदर्शन प्राप्त किया।
अपना अमूल्य समय प्रदान करने के लिए आपका हार्दिक आभार!@AmitShah pic.twitter.com/ZkSFowgTCu
— Yogi Adityanath (@myogiadityanath) October 26, 2025
اسی طرح انہوں نے جے پی نڈا کے ساتھ ملاقات کی اطلاع دیتے ہوئے کہا، ’’آج نئی دہلی میں قومی صدر اور مرکزی وزیر جگت پرکاش نڈا جی سے خیرسگالی ملاقات کی۔ آپ کے قیمتی وقت کے لیے تہہ دل سے شکریہ۔‘‘
.@BJP4India के माननीय राष्ट्रीय अध्यक्ष एवं केंद्रीय मंत्री श्री जगत प्रकाश नड्डा जी से आज नई दिल्ली में शिष्टाचार भेंट की।
अपना अमूल्य समय प्रदान करने हेतु आपका हार्दिक आभार!@JPNadda pic.twitter.com/T0hOw2RGkN
— Yogi Adityanath (@myogiadityanath) October 26, 2025
گڑھ گنگا میلہ 2025 کی تیاریوں پر اعلیٰ سطحی اجلاس
دہلی روانگی سے قبل وزیراعلیٰ یوگی آدتیہ ناتھ نے ہاپڑ ضلع کے افسران اور عوامی نمائندوں کے ساتھ گڑھ گنگا میلہ 2025 کی تیاریوں کا جائزہ اجلاس منعقد کیا۔ انہوں نے ہدایت دی کہ ثقافتی پروگراموں میں فحش گانوں پر مکمل پابندی عائد کی جائے اور ان کی جگہ لوک فنکاروں اور لوک گیتوں کو شامل کیا جائے۔ یوگی آدتیہ ناتھ نے کہا، ’’اچھے ثقافتی گروپ بلائے جائیں، لوک گائکوں اور فنکاروں کو موقع دیا جائے۔ این ڈی آر ایف اور ایس ڈی آر ایف کی ٹیمیں ہنگامی حالات کے لیے تعینات رہیں۔ افسران زائرین کے ساتھ خوش اخلاقی سے پیش آئیں اور عوامی شکایات کے ازالے کا نظام مضبوط کیا جائے۔‘‘
صفائی، سلامتی اور سہولیات پر خصوصی زور
وزیراعلیٰ نے ہدایت دی کہ سی سی ٹی وی کیمرے، پارکنگ اور موبائل ٹوائلٹ کی سہولت کو یقینی بنایا جائے۔ انہوں نے کہا کہ مستقبل میں زیرو لیکوئڈ ڈسچارج ٹوائلٹس نصب کرنے کی کوشش کی جانی چاہیے۔ مزید کہا کہ غسل کے دوران بدنظمی سے بچنے کے لیے گھاٹوں کو منظم طور پر تیار کیا جائے، خواتین کے لیے علیحدہ چینجنگ رومز بنائے جائیں، صفائی پر خصوصی توجہ دی جائے، سنگل یوز پلاسٹک پر مکمل پابندی ہو، بجلی کے کرنٹ سے بچاؤ اور آگ بجھانے کے انتظامات کیے جائیں۔ انہوں نے یہ بھی ہدایت دی کہ عارضی اسپتال قائم کیے جائیں، سانپ کے کاٹنے کی دوا (Anti-snake venom) اور ریبیز ویکسین دستیاب رکھی جائے اور این ڈی آر ایف و ایس ڈی آر ایف کی ٹیمیں غسل کے دوران مسلسل گشت کریں۔ قابل ذکر ہے کہ گڑھ گنگا میلہ ہر سال نومبر میں کارتیہ پورنیما کے موقع پر ہاپڑ ضلع میں منعقد ہوتا ہے، جہاں لاکھوں عقیدت مند گنگا ندی میں مقدس غسل کے لیے آتے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
