امریکی ریپبلکن سینیٹر لنڈسے گراہم نے ان ممالک کو سخت انتباہ جاری کیا ہے جو اس وقت روسی تیل درآمد کر رہے ہیں۔ انہوں نے چین، بھارت اور برازیل کے بارے میں کہا کہ انہیں ٹرمپ کے تجارتی اقدام کا سامنا کرنا پڑ سکتا ہے۔ فوکس نیوز کو دیے گئے ایک انٹرویو میں گراہم نے کہاکہ ٹرمپ چین، بھارت اور برازیل جیسے روسی تیل خریدنے والے ممالک پر محصولات عائد کرنے جا رہے ہیں۔روس سے سبسڈی والے خام تیل کی خریداری میں ان 3 ممالک کا تقریباً 80 فیصد حصہ ہے۔ گراہم کا استدلال ہے کہ ان کی مسلسل تجارت ولادیمیر پوتن کی جنگ کو فروغ دیتی ہے اور یوکرین میں تنازعہ ختم کرنے کی کوشش کو کمزور کرتی ہے۔ امریکی سینیٹر نے اپنے جذبات میں یہاں تک کہہ دیا کہ اگر بھارت، چین اور برازیل روسی تیل خریدتے رہے تو ہم انہیں تباہ کر دیں گے۔ ہم ان کی معیشت کو تباہ کر دیں گے! انھوں نے کہا کہ ‘میں چین، انڈیا اور برازیل سے کہوں گا کہ اگر آپ اس جنگ کو جاری رکھنے کے لیے سستا روسی تیل خریدتے رہے تو ہم آپ کو تباہ اور آپ کی معیشت کو برباد کر دیں گے، کیونکہ آپ جو کچھ کر رہے ہیں وہ خون کا پیسہ ہے۔
انٹرویو میں ان کا مزید کہنا تھا کہ ٹرمپ انتظامیہ فیصلہ کن اقدام کرنے کے لیے تیار ہے اور پیوتن کو 14 جولائی تک فوجی آپریشن روکنے کے لیے 50 دن کا الٹی میٹم دیا گیا ہے بصورت دیگر انہیں سخت پابندیوں کا سامنا کرنا پڑے گا جس میں تیل خرید کر روس کی معیشت کو سہارا دینے والے ممالک پر جرمانے عائد کرنا بھی شامل ہے۔ گراہم نے کہا کہ پیوتن، آپ کی باری آنے والی ہے۔ ڈونلڈ ٹرمپ امریکی سیاست اور خارجہ ڈپلومیسی کے اسکاٹی شیفلر ہیں اور وہ آپ کو بری طرح شکست دیں گے۔ روسی تیل کے خریداروں پر 500 فیصد ٹیرف عائد کرنے کا بل اس وقت امریکی سینیٹ میں زیر التوا ہے تاہم گراہم کے بیان کو غیر ملکی تجارت اور جنگ کے وقت کی فنڈنگ پر ٹرمپ انتظامیہ کے جارحانہ موقف کے طور پر دیکھا جا رہا ہے۔ انہوں نے اس بات پر بھی زور دیا کہ امریکی ہتھیار یوکرین تک پہنچتے رہیں گے ۔ چونکہ چین اور ہندوستان روس کے تیل کے سب سے بڑے خریدار ہیں، اس لیے گراہم کا بیان دنیا کی سب سے تیزی سے ترقی کرتی ہوئی معیشتوں کے ساتھ امریکہ کے تعلقات میں تنازعہ لا سکتا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
