امروہہ (اتر پردیش): اتر پردیش کے امروہہ ضلع سے ایک دل دہلا دینے والی خبر سامنے آئی ہے، جہاں نانی کے گھر آئی چار سالہ معصوم بچی کے ساتھ سنگین جنسی زیادتی کا واقعہ پیش آیا ہے۔ پولیس نے فوری کارروائی کرتے ہوئے چند ہی گھنٹوں میں ملزم گجندر سنگھ کو انکاؤنٹر کے بعد گرفتار کر لیا۔ ملزم کے پاؤں میں گولی لگی ہے اور وہ اسپتال میں زیرِ علاج ہے۔
واقعات کی تفصیل
یہ واقعہ سید نگلی تھانہ کے ایک گاؤں میں پیش آیا۔ چار سالہ بچی اپنی نانی کے گھر آئی ہوئی تھی۔ کھیلنے کے دوران اسے معلوم نہ تھا کہ گاؤں میں ایک شخص اس کی معصومیت کو نقصان پہنچانے کے لیے گھات لگا کر بیٹھا ہے۔ معلومات کے مطابق 48 سالہ گجندر سنگھ نے بچی کو بہلایا، پھر اکیلا پا کر قریبی نہر کے کنارے لے گیا، جہاں اس نے معصوم بچی کے ساتھ انسانی ہمدردی کی تمام حدیں پار کر دیں۔ ملزم بچی کو زخمی حالت میں چھوڑ کر فرار ہو گیا۔ جب بچی دیر تک گھر واپس نہ آئی تو اہلِ خانہ نے تلاش شروع کی۔ بچی جس حالت میں ملی، اسے دیکھ کر اہلِ خانہ کے قدم جم گئے اور گاؤں میں فوری ہڑکپ مچ گیا۔ اطلاع ملتے ہی پولیس فوری کارروائی کے لیے روانہ ہو گئی۔
پولیس کی تیز کارروائی اور انکاؤنٹر
واقعے کی حساسیت کو مدِ نظر رکھتے ہوئے امروہہ کے پولیس سپرنٹنڈنٹ امت کمار آنند خود موقع پر پہنچے۔ انہوں نے واضح کیا کہ ملزم کسی بھی حالت میں نہیں بخشا جائے گا۔ پولیس کی متعدد ٹیمیں تشکیل دی گئیں اور سی سی ٹی وی فوٹیج کے ذریعے ملزم کا پیچھا شروع کیا گیا۔ چند گھنٹوں کے اندر پولیس کو ملزم کی لوکیشن معلوم ہو گئی۔ جب پولیس نے گھیراؤ کیا تو گجندر سنگھ نے فرار ہونے کی کوشش کی اور فائرنگ کی۔ جواب میں پولیس نے فائرنگ کی جس سے گجندر کے پاؤں میں گولی لگی۔ انکاؤنٹر کے بعد ملزم کو گرفتار کر کے فوری اسپتال منتقل کیا گیا۔ ملزم کے قبضے سے ایک غیر قانونی پستول، کارتوس اور بغیر نمبر کی موٹر سائیکل بھی برآمد ہوئی۔
عوامی ردعمل اور پولیس کی تعریف
امروہہ پولیس کی اس فوری کارروائی کی علاقے میں کافی تعریف کی جا رہی ہے۔ لوگوں کا کہنا ہے کہ معصوم بچوں کے ساتھ ایسی درندگی کرنے والوں کے ساتھ اسی طرح کا سلوک ہونا چاہیے۔ پولیس سپرنٹنڈنٹ نے واضح الفاظ میں کہا ہے کہ اس سنگین جرم کے خلاف سخت قانونی کارروائی کی جائے گی جو مثال قائم کرے گی۔ فی الحال بچی اسپتال میں زیرِ علاج ہے اور پولیس نے چارچ شیٹ درج کر کے جلد از جلد اسے انصاف دلانے کی تیاری مکمل کر لی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
