Dibrugarh Express Train Derail: اترپردیش کے گونڈہ میں ڈبروگڑھ ایکسپریس کے 12-10 ڈبے پٹری سے اترگئے۔ جانکاری کے مطابق، چنڈی گڑھ سے گورکھپورجاتے ہوئے ٹرین کے کوچ پٹری سے اترگئے۔ ڈبوں کے پٹریوں سے اترنے کی وجہ سے مسافروں میں افراتفری مچ گئی۔ اطلاعات کے مطابق، 4 افراد کی موت ہوئی ہے، جبکہ 20 افراد زخمی بتائے جا رہے ہیں۔ جبکہ ابھی زخمیوں کی صحیح تعداد سامنے نہیں آسکی ہے۔
جائے حادثہ پرامدادی گاڑیاں پہنچ گئی ہیں اورراحت بچاؤ کا کام جاری ہے۔ ریلوے کے تمام اعلیٰ افسران موقع پر پہنچ رہے ہیں۔ ٹرین حادثے میں کسی جانی نقصان کی کوئی خبرنہیں ہے۔ یہ حادثہ گورکھپورریلوے سیکشن کی موتی گنج سرحد کے قریب پیش آیا۔ ریلوے کے تمام اعلیٰ افسران موقع پرپہنچ رہے ہیں۔ وہیں یوپی کے وزیراعلیٰ یوگی آدتیہ ناتھ نے معاملے میں جانچ کے احکامات دے دیئے ہیں۔ حالانکہ ذرائع کے مطابق، ایک شخص کی موت ہوئی ہے۔ گورکھپورریل سیکشن کے موتی گنج بارڈرکے پاس یہ حادثہ ہوا ہے۔
In regard with the derailment of 15904 Dibrugarh Express in Lucknow division of North Eastern Railway, the helpline numbers are issued: Indian Railways https://t.co/ggCTJKvOAv pic.twitter.com/jjRp1vgIjB
— ANI (@ANI) July 18, 2024
بتایا جارہا ہے کہ ٹرین نمبر 15904 چنڈی گڑھ-ڈبروگڑھ ایکسپریس کے کچھ ڈبے (کوچ) گونڈہ میں پلٹ گئے۔ گونڈہ-جھلاہی کے درمیان پکورا کے پاس یہ حادثہ ہوا ہے۔ کتنے لوگ زخمی ہیں، اس کی کوئی جانکاری ابھی نہیں آئی ہے۔ انتظامیہ نے ریسکیو ٹیم گونڈہ روانہ کی ہے۔ اے سی کے چار کوچ حادثے کا شکاربتائے جا رہے ہیں۔ ڈبروگڑھ-چنڈی گڑھ ایکسپریس کے پٹری سے اترنے کے حادثہ پر شمال مشرقی ریلوے کے سی پی آراو پنکج سنگھ نے کہا کہ ریلوے کی میڈیکل وین موقع پرپہنچ گئی ہے اور بچاؤ مہم شروع کردی گئی ہے۔ ہیلپ لائن نمبر نمبرجاری کردیئے گئے ہیں۔ یہ حادثہ دوپہر 2.37 بجے کے آس پاس ہوئی۔ ابتدائی جانکاری کے مطابق، 5-4 کوچ پٹری سے اترگئے ہیں۔
VIDEO | A few bogies of Dibrugarh Express derailed near UP’s Gonda railway station earlier today. Details awaited. pic.twitter.com/SfJTfc01Wp
— Press Trust of India (@PTI_News) July 18, 2024
وزیراعلیٰ یوگی نے راحت بچاؤ کام میں تیزی لانے کا حکم دیا
ریل حادثہ پروزیراعلیٰ یوگی آدتیہ ناتھ نے اپنے چیف سکریٹری اور ڈی جی پی سے بات کی۔ ساتھ ہی وزیراعلیٰ یوگی نے افسران کو فوراً جائے حادثہ پرپہنچ کر راحت بچاؤ کام میں تیزی لانے کے احکامات جاری کردیئے ہیں۔ وزیراعلیٰ کے حکم کے بعد آس پاس کے اضلاع کے سبھی اسپتال، سی ایچ سی، پی ایچ سی کو الرٹ موڈ پر رکھا گیا ہے۔ ایس ڈی آرایف کی ٹیم کو موقع پر پہنچ کرراحت بچاؤ کام میں تیزی لانے کے بھی احکامات دیئے گئے۔ وہیں، آسام کے وزیراعلیٰ ہیمنت بسوا سرما کو اترپردیش میں ڈبرو گڑھ-چنڈی گڑھ ایکسپریس کے پٹری سے اترنے کے بارے میں جانکاری دی گئی ہے۔ سی ایم آفس صورتحال پر نظررکھ رہے ہیں اور آسام حکومت متعلقہ افسران کے رابطے میں ہے۔
بھارت ایکسپریس-
