آج ویربھدر مندر میں پوجا کریں گے وزیر اعظم مودی، سنیں گے رنگناتھ رامائن کی چوپائیاں، کیرلہ اور آندھرا پردیش کے دورے پر ہیں وزیر اعظم
PM Modi in Andhra Pradesh: وزیر اعظم نریندر مودی آج (16 جنوری) سے کیرلہ اور آندھرا پردیش کے دو روزہ دورے پر ہیں۔ اس دوران پی ایم مودی دونوں ریاستوں کو کروڑوں کے تحائف دیں گے اور کئی پروجیکٹوں کا افتتاح اور سنگ بنیاد رکھیں گے۔ پی ایم مودی آج لیپاکشی میں ویربھدر مندر پہنچیں گے اور پوجا کریں گے اور تیلگو میں رنگناتھ رامائن کی چوپائیوں کو بھی سنیں گے۔ ایودھیا میں عظیم رام جنم بھومی مندر کے تقدس کی تقریب سے ٹھیک 6 دن پہلے، پی ایم مودی لیپاکشی کا دورہ کر رہے ہیں، جو رامائن میں ایک خاص مقام رکھتا ہے۔
لیپاکشی کے بارے میں کیا ہے عقیدہ ؟
یہ خیال کیا جاتا ہے کہ لیپاکشی وہ جگہ ہے جہاں راون نے ماں سیتا کو اغوا کرنے کے بعد جٹایو کو شدید زخمی کر دیا تھا۔ جٹایو نے ہی بھگوان رام کو بتایا تھاکہ راون ماں سیتا کو جنوب کی طرف لے گیا ہے۔ اس کے بعد بھگوان رام نے انہیں موکش عطا کیا تھا۔
Over the next two days I will be among the people of Andhra Pradesh and Kerala. Today, 16th January, I will have the opportunity to pray at the Veerbhadra Temple, Lepakshi. I will also hear verses from the Ranganatha Ramayan, which is in Telugu. Thereafter, I will inaugurate the…
— Narendra Modi (@narendramodi) January 16, 2024
یہ بھی پڑھیں- Shahi Idgah Masjid: سپریم کورٹ نے متھرا شاہی عیدگاہ کے سروے پر لگائی روک، ہائی کورٹ کو مسجد کی طرف کی عرضی سننے کو کہا
پی ایم نے کالا رام مندر میں کی پوجا
لیپاکشی کا دورہ وزیر اعظم نریندر مودی کے ناسک میں سری کالا رام مندر کے دورے کے بعد آیا ہے۔ کچھ دن پہلے پی ایم مودی نے ناسک میں گوداوری ندی کے کنارے واقع پنچوتی کا دورہ کیا تھا۔ انہوں نے کالا رام مندر میں پوجا کی اور بھگوان رام کی ایودھیا آمد سے متعلق رامائن کی مراٹھی میں شلوک بھی سنیں۔
-بھارت ایکسپریس
