دہلی کانگریس کمیٹی کے انچارج قاضی نظام الدین نے بتایا کہ راہل گاندھی 13 جنوری کو سیلم پور میں ریلی کو خطاب کریں گے۔
نئی دہلی: دہلی اسمبلی الیکشن 2025 میں سبھی سیاسی پارٹیاں اپنی طاقت کے ساتھ میدان میں اترچکی ہیں۔ اسی ضمن میں کانگریس رکن پارلیمنٹ اورلوک سبھا میں اپوزیشن لیڈرراہل گاندھی بھی 13 جنوری کوسیلم پور میں ایک ریلی کوخطاب کریں گے۔ دہلی پردیش کانگریس کمیٹی کے انچارج قاضی نظام الدین نے ہفتہ کے روز راہل گاندھی کی ریلی کو خطاب کرنے کی بات کہی۔ انہوں نے بتایا کہ دہلی اسمبلی الیکشن 2025 کے پیش نظرراہل گاندھی پہلی ریلی کوسیلم پورمیں خطاب کریں گے۔
دہلی پردیش کانگریس کمیٹی کے دفترمیں منعقدہ پریس کانفرنس کو خطاب کرتے ہوئے قاضی نظام الدین نے کہا کہ راہل گاندھی ملک کی عوام کی آوازبن کرابھرے ہیں۔ انہوں نے کہا کہ جہاں بھی کوئی موضوع ہوتا ہے، وہاں راہل گاندھی پہنچتے ہیں اورلوگوں کی آوازاٹھاتے ہیں۔ انہوں نے کہا کہ راہل گاندھی پیرکوشام 5:30 بجے شمال مشرقی دہلی کے سیلم پورعلاقے میں ’جے باپو، جے بھیم، جے سنودھان‘ نام سے عوامی جلسے کو خطاب کریں گے۔
دہلی میں کانگریس مضبوط پوزیشن میں ہے: قاضی نظام الدین
دہلی پردیش کانگریس کمیٹی کے انچارج قاضی نظام الدین نے کہا کہ کانگریس کے سینئرلیڈرراہل گاندھی پیرکوسیلم پورعلاقے میں ’جے باپو، جے بھیم، جے سنودھان‘ ریلی سے عوامی جلسے کو خطاب کریں گے۔ اس میں بڑی تعداد میں لوگ، کانگریس پارٹی کے کارکنان اورلیڈران بھی حصہ لیں گے۔ انہوں نے کہا کہ کانگریس کی کامیاب ’دہلی نیائے یاترا‘ کے بعد پارٹی دہلی میں مضبوط پوزیشن میں ہے۔
जय बापू, जय भीम, जय संविधान!
आज दिल्ली कांग्रेस मुख्यालय पर प्रेस वार्ता को संबोधित किया और देश के जननायक एवं नेता विपक्ष आदरणीय श्री @RahulGandhi जी की आगामी 13 जनवरी को सीलमपुर में प्रस्तावित जनसभा की जानकारी दी।
हम सभी कांग्रेस कार्यकर्ता और दिल्ली वासी इस जनसभा को ऐतिहासिक… pic.twitter.com/OpOST8p0hh
— Qazi Nizamuddin (@qazinizamuddin) January 11, 2025
قاضی نظام الدین نے کہا کہ قومی دارالحکومت میں سبھی طبقات کے لوگوں کے ساتھ راہل گاندھی کے مسلسل رابطے اورریاستی کانگریس سربراہ دیویندریادو کی مہینے بھر کی بے حد کامیاب دہلی نیائے یاترا کے بعد پارٹی دہلی میں مضبوط پوزیشن میں ہے۔ کنیا کماری سے سری نگرتک کی بھارت جوڑو یاترا کے دوران راہل گاندھی نے سبھی طبقات کے لوگوں سے بات چیت کی تھی، جس سے انہیں عام لوگوں کے روزمرہ کی زندگی کے جدوجہد، مصائب ومشکلات کے بارے میں گہری معلومات حاصل کی تھیں۔
دہلی میں 5 فروری کو ہوگی ووٹنگ
کانگریس نے اسمبلی الیکشن سے پہلے رائے دہندگان سے جڑنے اور پارٹی کارکنان کا حوصلہ بڑھانے کے لئے نومبرمیں ’دہلی نیائے یاترا‘ نکالی تھی۔ یہ یاترا راہل گاندھی کی ’بھارت جوڑو یاترا‘ کی طرز پر منعقد کی گئی تھی اور 7 دسمبر کو ختم ہوئی۔ دہلی میں ایک ہی مرحلے میں 5 فروری کو ووٹنگ ہوگی جبکہ ووٹوں کی گنتی 8 فروری کو ہوگی۔ 2015 اور 2020 کے الیکشن میں کانگریس ایک بھی سیٹ نہیں جیت پائی تھی۔
بھارت ایکسپریس اردو-
