مرکزی حکومت نے پٹرولیم مصنوعات کی برآمد (ایکسپورٹ) سے متعلق ایک بڑا فیصلہ لیا ہے۔ وزارت خزانہ کی جانب سے جاری کردہ نئے حکم نامے کے مطابق، ملک سے باہر بھیجے جانے والے ڈیژل اورایوی ایشن ٹربائن فیول (اے ٹی ایف) یعنی ہوائی ایندھن پرلگنے والے ایکسپورٹ ڈیوٹی میں نمایاں اضافہ کیا گیا ہے۔ یہ فیصلہ توانائی کے شعبے اورمعیشت کے لیے اہم سمجھا جا رہا ہے کیونکہ اس سے نہ صرف تیل کمپنیوں کے منافع پراثر پڑے گا بلکہ مقامی مارکیٹ میں ایندھن کی دستیابی کا بھی تعین ہوگا۔
ڈیژل اورایوی ایشن فیول پرنئی قیمتوں کا نفاذ
حکومت کے ذریعہ دی گئی باضابطہ جانکاری کے مطابق، ڈیژل کے ایکسپورٹ ڈیوٹی کودوگنے سے بھی زیادہ کردیا گیا ہے۔ اس سے پہلے ڈیژل کی ایکسپورٹ ڈیوٹی 21.5 روپئے فی لیٹر تھی، جسے اب بڑھا کر55.5 روپئے فی لیٹرکردیا گیا ہے۔ یہ ایک نمایاں اضافہ ہے۔ اس کے ساتھ ہی، ہوائی جہازمیں استعمال ہونے والے ایوی ایشن ٹربائن فیول (اے ٹی ایف) پرٹیکس کا بوجھ بھی بڑھا دیا گیا ہے۔ اے ٹی ایف پرایکسپورٹ ڈیوٹی 29.5 روپئے فی لیٹرسے بڑھا کر42 روپئے فی لیٹرکردی گئی ہے۔
کیوں اٹھایا یہ بڑا قدم؟
جب بھی کوئی ریفائنری کمپنی ہندوستان میں خام تیل (کچا تیل) درآمد (ایکسپورٹ) کرتی ہے اوراسے ریفائن کرتی ہے، اس کے پاس دواہم آپشن ہوتے ہیں: یا توتیارشدہ ایندھن کومقامی بازارمیں بیچے یا اسے غیرملکی مارکیٹ میں ایکسپورٹ کرے اورخاطر خواہ منافع کمائے۔ بعض اوقات جب بین الاقوامی قیمتیں زیادہ ہوتی ہیں توکمپنیاں ملکی طلب کونظراندازکر دیتی ہیں اورتیل بیرون ملک میں فروخت کرتی ہیں۔ اس صورتحال کوروکنے اورملک کے اندرڈیژل اوردیگر ایندھن کی مناسب فراہمی کویقینی بنانے کے لئے حکومت یہ ایکسپورٹ ڈیوٹی عائد کرتی ہے۔ ڈیوٹی میں اضافہ کمپنیوں کے لئے برآمدات کو مزید مہنگا بنا دیتا ہے، جس سے وہ اپنی مصنوعات کو مقامی مارکیٹ میں فروخت کرنے پرتوجہ مرکوزکرنے پرمجبورہوجاتی ہیں۔ اس طرح ملک میں تیل کی کمی نہیں ہوگی۔
پیٹرول سے متعلق ملی راحت
اس پورے عمل اورٹیکس میں اضافہ کے درمیان سب سے زیادہ اطمینان بخش خبرپٹرول کے محاذ پرہے۔ وزارت خزانہ نے واضح کیا ہے کہ پٹرول کی برآمدات پرکوئی نیا ٹیکس نہیں لگایا گیا ہے۔ پٹرول پرایکسپورٹ ڈیوٹی پہلے کی طرح صفررہے گی۔ اس کا سیدھا مطلب ہے کہ فی الحال حکومت کومقامی بازارمیں پٹرول کی سپلائی کے حوالے سے کسی قسم کے بحران یا قلت کا خوف نہیں ہے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
