Uttar Pradesh: ایس پی کا وفد پیر کو سنبھل تشدد کے متاثرین کے اہل خانہ سے ملاقات کرے گا۔ یہ جانکاری ایس پی ضلع صدر اصغر علی انصاری نے دی۔ انہوں نے کہا کہ وفد میں ایم پی اور ایم ایل اے شامل ہیں۔ بتا دیں کہ اس سے قبل پولیس نے ایس پی کے وفد کو متاثرین سے ملنے سے روک دیا تھا۔ وہیں اب وفد آ رہا ہے۔ وفد کی جانب سے متاثرہ خاندانوں کو پانچ پانچ لاکھ روپے کا چیک دیا جائے گا۔ ایس پی صدر اکھلیش یادو بھی متاثرین کے اہل خانہ سے ملاقات کریں گے، حالانکہ وہ بعد میں آئیں گے۔
وفد میں شامل ہیں یہ لوگ
وفد میں ایم پی ہریندر ملک، روچی ویرا، اقرا حسن، ضیاء الرحمن برق، نیرج موریہ اور ایم ایل اے اقبال محمود، پنکی یادو اور کمال اختر شامل ہیں۔ ایس پی ضلع صدر اصغر علی انصاری نے کہا کہ اکھلیش جی نے 24 نومبر کو سنبھل میں ہوئے تشدد میں مارے گئے لوگوں کے خاندانوں کو مالی مدد فراہم کرنے کا وعدہ کیا تھا۔ پہلے بھی یہ وفد آنا تھا لیکن انتظامیہ نے اجازت نہیں دی۔
24 نومبر کو ہوا تھا تشدد
اتر پردیش کے سنبھل میں 24 نومبر کو جامع مسجد کے سروے کے دوران تشدد پھوٹ پڑا تھا۔ تشدد کے سلسلے میں منگل کو سات افراد کو گرفتار کیا گیا تھا۔ اس طرح اس معاملے میں اب تک 47 لوگوں کو گرفتار کیا جا چکا ہے اور 91 لوگوں کی شناخت ہو چکی ہے۔ اس تشدد میں چار افراد ہلاک ہو گئے تھے۔
یہ بھی پڑھیں- Students protest against BPSC: پٹنہ میں پھر ہنگامہ-وزیراعلیٰ کی رہائش گاہ تک مارچ کرنا چاہتے تھے طلباء، پولیس نے روکا
اس معاملے میں اب تک 47 لوگوں کو گرفتار کیا گیا ہے اور 91 لوگوں کی شناخت ہو چکی ہے۔ اس تشدد میں چار افراد ہلاک ہو گئے تھے۔ ایڈیشنل سپرنٹنڈنٹ آف پولیس (اے ایس پی) شریش چندرا نے بتایا کہ منگل کو گرفتار کیے گئے افراد کی شناخت شعیب، سجاالدین، راحت، محمد اعظم، اظہر الدین، جاوید اور مصطفیٰ کے طور پر کی گئی ہے۔ اس واقعہ میں ملوث دیگر ملزمان کی تلاش جاری ہے۔ اس کے لیے کئی ٹیمیں تشکیل دی گئی ہیں۔ اس تشدد کے سلسلے میں 11 ایف آئی آر درج کی گئی ہیں۔
-بھارت ایکسپریس
