بی جے پی لیڈر سید شاہنواز حسین۔ (فائل فوٹو)
Shahnawaz Hussain Health Update: بھارتیہ جنتا پارٹی (بی جے پی) کے سینئر لیڈر اور قومی ترجمان شاہنواز حسین کو دل کا دورہ پڑا ہے۔ طبیعت خراب ہونے پر انہیں اسپتال لے جایا گیا۔ بتایا جا رہا ہے کہ وہ ممبئی کے لیلاوتی ہسپتال میں داخل ہیں۔ بی جے پی سے وابستہ ذرائع کے مطابق حسین کو منگل کی شام 4.30 بجے لیلاوتی اسپتال لایا گیا، جہاں ای سی جی جانچ کے دوران پتہ چلا کہ انہیں دل کا دورہ پڑا ہے۔
آپ کو بتاتے چلیں کہ شاہنواز حسین کا پورا نام سید شاہنواز حسین ہے، وہ بھارتیہ جنتا پارٹی کے قومی ترجمان ہیں۔ وہ ریاست بہار کے وزیر صنعت رہ چکے ہیں۔ بہار کے شہر سپول میں 1968 میں پیدا ہونے والے شاہنواز حسین نے انجینئرنگ میں ڈپلومہ کیا۔ اس کے علاوہ انہوں نے اپنی ہائر سیکنڈری ولیمز ہائی اسکول، سپول سے مکمل کی۔ شاہنواز کی اہلیہ ایک ہندو خاتون ہے، جس کا نام رینو شرما ہے۔ ان کے دو بیٹے ہیں۔
ایک محنتی وزیر کے طور پر جانے جاتے تھے حسین
شاہنواز حسین تین بار لوک سبھا کے رکن رہ چکے ہیں (1999، 2006، 2009) اور ایک بار قانون ساز کونسل کے رکن (2021 موجودہ)۔ وہ اپنی ریاست میں ایک محنتی وزیر کے طور پر جانے جاتے تھے۔ وہ طویل عرصے سے بھارتیہ جنتا پارٹی سے وابستہ ہیں۔ بہار میں وزیر صنعت رہتے ہوئے انہوں نے بہار میں کئی پروجیکٹ لانے کی کوشش کی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
