نئی دہلی — سپریم کورٹ نے پیر کو ایک عبوری حکم میں ہریانہ کے اشوکا یونیورسٹی کے پولیٹیکل سائنس ڈیپارٹمنٹ کے سربراہ اور ایسوسی ایٹ پروفیسرعلی خان محمودآباد کے خلاف درج ایک ایف آئی آر میں دائر چارج شیٹ پر مجسٹریٹ کو کارروائی کرنے سے روک دیا۔ یہ ایف آئی آر ان کے سوشل میڈیا پوسٹس میں ’آپریشن سندور‘ سے متعلق تبصروں پر درج کی گئی تھی۔ عدالت نے یہ بھی سوال کیا کہ مجسٹریٹ تفتیش کو’’غلط سمت میں‘‘ کیوں لے جارہے ہیں۔
#SupremeCourt stays TRIAL in the case filed against Ashoka University’s Ali Khan Mahmudabad in relation to his Facebook post on Operation Sindoor. Supreme court directs no charges be framed and cognizance of chargesheet shall not be taken for now #OperationSindoor pic.twitter.com/kJERAqoxnm
— Bar and Bench (@barandbench) August 25, 2025
مجسٹریٹ کو کارروائی کرنے سے روک دیا
جسٹس سوریا کانت اور جسٹس جوائے مالا باگچی پر مشتمل بنچ کا یہ حکم اس وقت آیا جب ہریانہ پولیس نے عدالت کو بتایا کہ محمودآباد کے خلاف ایک ایف آئی آر میں کلوزر رپورٹ داخل کر دی گئی ہے اور دوسری ایف آئی آر میں چارج شیٹ پیش کی گئی ہے۔ اس پر عدالت نے وہ ایف آئی آر منسوخ کر دی جس میں کلوزر رپورٹ داخل کی گئی تھی، جبکہ دوسری ایف آئی آر میں مجسٹریٹ کو کارروائی کرنے سے روک دیا۔
کپل سبل کا چارج شیٹ پراعتراض
علی خان محمودآباد کی جانب سے پیش ہوئے سینئر وکیل کپل سبل نے ایک ایف آئی آر میں دائر چارج شیٹ پر اعتراض جتایا۔ گزشتہ سماعت میں عدالت عظمیٰ نے دونوں ایف آئی آرز کی جانچ کے لیے تشکیل دی گئی ہریانہ پولیس کی اسپیشل انویسٹی گیشن ٹیم (ایس آئی ٹی) سے سوال کیا تھا کہ وہ صرف دو سوشل میڈیا پوسٹس کی تفتیش تک محدود رہنے کے بجائے اس کے دائرہ کار کو کیوں بڑھا رہی ہے۔ عدالت کو بتایا گیا تھا کہ ایس آئی ٹی نے محمودآباد کے الیکٹرانک آلات ضبط کر لیے ہیں اور گزشتہ دس سال کے غیر ملکی دوروں کے بارے میں سوالات کر رہی ہے۔
The Supreme Court on Monday (August 25, 2025) restrained the trial court from taking cognisance of the charge sheet filed by #Haryana SIT in the FIR against Ashoka University professor Ali Khan Mahmudabad, who was booked for social media posts on Operation Sindoor.… pic.twitter.com/QaNeSqDMkw
— The Hindu (@the_hindu) August 25, 2025
عبوری ضمانت اور ایف آئی کی منسوخی کا معاملہ
اس سے قبل عدالت عظمیٰ نے محمودآباد کو عبوری ضمانت دے دی تھی لیکن یہ کہتے ہوئے کہ تفتیش روکنے کی کوئی وجہ سامنے نہیں آئی ہریانہ پولیس کی جانب سے درج دو ایف آئی آرز کو منسوخ کرنے سے انکار کیا تھا۔ تاہم بنچ نے انہیں عبوری طور پر رہا کرنے کا حکم دیا۔ واضح رہے کہ علی خان محمودآباد نے اپنی گرفتاری کے خلاف سپریم کورٹ سے رجوع کیا تھا۔ انہیں ہریانہ پولیس نے دو الگ الگ مقدمات درج ہونے کے بعد دہلی میں ان کی رہائش گاہ سے گرفتار کیا تھا۔ ان پر بھارت کی خودمختاری، اتحاد اور سالمیت کو خطرے میں ڈالنے سمیت کئی الزامات عائد کیے گئے تھے، جو ’آپریشن سندور‘ پر ان کے تبصروں سے جڑے ہوئے تھے۔
خواتین افسران پر مبینہ تنقید کا الزام
ریاستی خواتین کمیشن نے محمودآباد کے سوشل میڈیا بیانات کو بھارتی مسلح افواج کی خواتین افسران کے لیے توہین آمیز قرار دیا تھا اور کہا تھا کہ یہ بیانات فرقہ وارانہ ہم آہنگی کو بھی نقصان پہنچاتے ہیں۔ 13 مئی کو بھاٹیا نے ایسوسی ایٹ پروفیسر کو طلبی کا نوٹس (سمن) بھیجا تھا۔ جبکہ علی خان محمودآباد نے وضاحت دی تھی کہ ان کے بیانات کو مکمل طور پر غلط سمجھا گیا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
