مرکزی وزیر دفاع راج ناتھ سنگھ شنگھائی تعاون تنظیم کے رکن ممالک کے وزرائے دفاع کی میٹنگ میں شرکت کے لیے چین کے شہر چنگ ڈاؤ میں ہیں۔ یہاں انہوں نے چین کے وزیر دفاع ایڈمرل ڈان جون سے علیحدہ ملاقات کی ہے۔اہم بات یہ ہے کہ اس دوران ایک خصوصی فیصلے پر اتفاق کیا گیاہے۔ راجناتھ سنگھ نے سوشل میڈیا کے ذریعے بتایا کہ کیلاش مانسروور یاترا تقریباً چھ سال بعد دوبارہ شروع ہوگی۔ اس حوالے سے ہندوستان اور چین کے درمیان مثبت بات چیت ہوئی ہے۔
Held talks with Admiral Don Jun, the Defence Minister of China, on the sidelines of SCO Defence Minitsers’ Meeting in Qingdao. We had a constructive and forward looking exchange of views on issues pertaining to bilateral relations.
Expressed my happiness on restarting of the… pic.twitter.com/dHj1OuHKzE
— Rajnath Singh (@rajnathsingh) June 27, 2025
وزیر دفاع راج ناتھ سنگھ نے ایکس پر ایک پوسٹ شیئر کی ہے۔ انہوں نے لکھا، “چنگ ڈاؤ میں ایس سی او کے وزرائے دفاع کی میٹنگ کے دوران چین کے وزیر دفاع ایڈمرل ڈان جون سے بات ہوئی۔ ہم نے دو طرفہ تعلقات سے متعلق امور پر تعمیری اور بصیرت افروز خیالات کا تبادلہ کیا۔ تقریباً چھ سال کے وقفے کے بعد کیلاش مانسروور یاترا کے دوبارہ شروع ہونے پر خوشی کا اظہار کیا۔اس دوران راجناتھ سنگھ نے روس اور بیلاروس کے وزرائے دفاع سے بھی ملاقات کی۔
وزیر دفاع راج ناتھ سنگھ نے روس اور بیلاروس کے اپنے ہم منصبوں سے بھی ملاقاتیں کیں۔ ان دوطرفہ ملاقاتوں میں خطے میں درپیش چیلنجز اور سیکیورٹی خطرات کے ساتھ ساتھ دفاعی تعاون پر تبادلہ خیال کیا گیا۔ راجناتھ سنگھ نے ایک پوسٹ میں لکھا، “بیلاروس کے وزیر دفاع لیفٹیننٹ جنرل وکٹر کھرینن کے ساتھ چنگ ڈاؤ میں اچھی بات چیت ہوئی۔” قبل ازیں راج ناتھ سنگھ نے روس کے وزیر دفاع آندرے بیلوسوف سے ملاقات کی اور دونوں ممالک کے درمیان دفاع کے شعبے میں طویل مدتی اور جامع تعاون پر تبادلہ خیال کیاگیا۔یاد رہے کہ ہندوستان کا روس کے ساتھ دفاعی میدان میں طویل مدتی اور جامع تعاون ہے، جس کی رہنمائی دونوں ممالک کے وزرائے دفاع کی سربراہی میں IRIGC-M&MTC میکانزم کے ذریعے کی جاتی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
