نئی دہلی: دہلی میں 10 اکتوبر کو ہونے والے احتجاج اور اس کے باعث سڑکوں پر شدید ٹریفک جام کے خدشے کے درمیان بھارتی ریلوے نے بڑا فیصلہ کیا ہے۔ ریلوے کے مطابق، 10 اکتوبر 2026 کو صبح 4 بجے سے دوپہر 2 بجے کے درمیان نئی دہلی اور حضرت نظام الدین ریلوے اسٹیشنوں پر پہنچنے والی میل اور ایکسپریس ٹرینیں منسوخ رہیں گی۔ ریلوے نے اس فیصلے کی بنیادی وجہ دونوں اسٹیشنوں کے آس پاس شدید ٹریفک جام کے خدشے کو قرار دیا ہے۔مسافروں کو مشورہ دیا گیا ہے کہ وہ سفر پر روانہ ہونے سے پہلے اپنی ٹرین کی صورتحال ضرور معلوم کرلیں اور اسی کے مطابق اپنے سفر کی منصوبہ بندی کریں۔ریلوے سے وابستہ ذرائع کے مطابق، یہ فیصلہ کاکروچ جنتا پارٹی (سی جے پی) کی جانب سے 10 اکتوبر کو مجوزہ احتجاج کے پیش نظر لیا گیا ہے۔ خدشہ ہے کہ احتجاج کے باعث نئی دہلی ریلوے اسٹیشن اور اس کے آس پاس کی سڑکوں پر ٹریفک متاثر ہوسکتی ہے۔ ایسی صورت میں مسافروں کے لیے وقت پر اسٹیشن پہنچنا مشکل ہوسکتا ہے۔
دہلی پولیس نے بھیجی یہ تجویز
دہلی پولیس نے آج رات 9 بجے سے حالات معمول پر آنے تک 57 میٹرو اسٹیشنوں کے داخلی اور خارجی دروازے بند رکھنے کی تجویز دہلی میٹرو ریل کارپوریشن (ڈی ایم آر سی) کو بھیجی ہے۔پولیس کے مطابق، اس دوران میٹرو اسٹیشنوں پر انٹرچینج کی سہولت جاری رہ سکتی ہے۔ تاہم، اسٹیشنوں کے داخلی اور خارجی دروازے بند کرنے کے بارے میں حتمی فیصلہ ڈی ایم آر سی کی جانب سے کیا جائے گا۔
10 اکتوبر کو صبح 4 سے دوپہر 2 بجے تک متاثر رہے گی ٹرینوں کی آمد
ریلوے کی جانب سے دی گئی معلومات کے مطابق، 9 اکتوبر کو دوپہر 2 بجے کے بعد اپنے ابتدائی اسٹیشن سے روانہ ہونے والی اور 10 اکتوبر کو صبح 4 بجے سے دوپہر 2 بجے کے درمیان نئی دہلی یا حضرت نظام الدین پہنچنے والی متعلقہ میل اور ایکسپریس ٹرینیں منسوخ رہیں گی۔ریلوے نے ٹریفک جام کے خدشے اور سکیورٹی انتظامات کو مدنظر رکھتے ہوئے یہ قدم اٹھایا ہے۔ اس فیصلے کے باعث مسافروں کو اپنے سفر کے منصوبے میں تبدیلی کرنا پڑسکتی ہے۔ خاص طور پر ان لوگوں کو پریشانی کا سامنا کرنا پڑسکتا ہے جنہوں نے پہلے ہی ٹکٹ بک کرالیے ہیں اور انہیں 10 اکتوبر کو ان دونوں اسٹیشنوں پر پہنچنا ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
