امریکہ کے صدر ڈونالڈ ٹرمپ نے ایک بار پھر ہندوستان پر ٹیرف بم پھوڑ ا ہے اور 25 فیصد کا اضافی ٹیکس عائد کرنے کا اعلان کردیا ہے اور اس طرح اب تک کا ہندوستان امریکہ کے تعلقات کی تاریخ میں پہلی بار ہندوستان پر 50 فیصد ٹیرف عائد کیا گیا ہے۔اب اس پر امریکہ اور ہندوستان دونوں ملکوں میں سیاسی گہما گہمی تیز ہوگئی ہے۔کانگریس کے سینئر رہنما اور قائد حزب اختلاف راہل گاندھی نے بدھ کے روز امریکی صدر ڈونلڈ ٹرمپ کے ہندوستانی اشیاءپر 50 فیصد ٹیرف عائد کرنے کے اقدام کو شدید تنقید کا نشانہ بنایا،اور اسے “معاشی بلیک میلنگ” اور “ہندوستان کو غیر منصفانہ تجارتی معاہدے میں دھکیلنے کی کوشش” قرار دیا ہے۔
Trump’s 50% tariff is economic blackmail – an attempt to bully India into an unfair trade deal.
PM Modi better not let his weakness override the interests of the Indian people.
— Rahul Gandhi (@RahulGandhi) August 6, 2025
واضح رہے کہ ٹرمپ نے بدھ کے روز ہندوستان کے روس سے تیل کی خریداری جاری رکھنے کی سزا کے طور پر ہندوستانی درآمدات پر اضافی 25 فیصد ٹیرف عائد کیا، اور اس سے پہلے اعلان کردہ ٹیرف کے نفاذ سے صرف 14 گھنٹے قبل ایک ایگزیکٹو آرڈر پر دستخط کیے۔ہندوستان نے بدھ کے روز ٹرمپ کے ہندوستان پر ٹیرف کو 50 فیصد تک بڑھانے کے فیصلے کا جواب دیا، جب وزارت خارجہ (ایم ای اے) نے اعلان کیا کہ نئی دہلی اپنے قومی مفادات کے تحفظ کے لیے “تمام ضروری اقدامات” کرے گی۔
یہ بیان اس وقت سامنے آیا جب ٹرمپ نے روس کے ساتھ تیل کی تجارت جاری رکھنے کی وجہ سے ہندوستان کو سزا دیتے ہوئے نئی دہلی پر 25 فیصد اضافی ٹیرف عائد کرنے کا ایگزیکٹو آرڈر جاری کیا۔ ایم ای اے نے اس اقدام کو “غیر منصفانہ، غیر معقول اور ناقابل قبول” قرار دیتے ہوئے تنقید کی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
