کانگریس لیڈر راہل گاندھی۔ (فائل فوٹو)
Bharat Jodo Nyay Yatra: لوک سبھا الیکشن سے ٹھیک پہلے کانگریس لیڈر راہل گاندھی پھر یاترا پر نکلنے والے ہیں۔ 14 جنوری سے شروع ہونے والی اس یاترا کا نام ‘بھارت جوڑو نیائے یاترا’ ہوگا۔ اس بات کی جانکاری کانگریس لیڈر جے رام رمیش نے دی۔ اس سے پہلے اس یاترا کا نام ‘بھارت نیائے یاترا’ دیا گیا تھا۔
کانگریس لیڈرجے رام رمیش نے کہا یاترا کی شروعات منی پور کی راجدھانی امفال سے ہوگی۔ یاترا 14 جنوری دوپہر12 بجے سے شروع ہوگی۔ یاترا کو کانگریس صدر ملیکا ارجن کھڑگے ہری جھنڈی دکھائیں گے۔ انہوں نے کہا کہ راہل گاندھی اس یاترا کے دوران سماجی، معاشی اورسیاسی انصاف پراپنے خیالات عوام کے سامنے پیش کریں گے۔
Here is the route map of the Bharat Jodo Nyay Yatra being launched by the Indian National Congress from Manipur to Mumbai on January 14, 2024. @RahulGandhi will cover over 6700 kms in 66 days going through 110 districts. It will prove as impactful and transformative as the… pic.twitter.com/ZPxA5daZEb
— Jairam Ramesh (@Jairam_Ramesh) January 4, 2024
110 اضلاع سے ہوکرگزرے گی راہل گاندھی کی یاترا
انہوں نے کہا کہ 6,700 کلو میٹر یاترا 15 ریاستوں سے ہوکرگزرے گی۔ اس دوران راہل گاندھی بس کے ذریعہ اورپیدل یاترا کریں گے۔ اس یاترا میں انڈیا الائنس کے اتحادی جماعتوں کے لیڈران کو بھی دعوت دی جائے گی۔ کانگریس لیڈر نے کہا کہ رہال گاندھی ‘بھارت جوڑو نیائے یاترا’ کے تحت 67 دنوں میں 6713 کلو میٹر کا سفرطے کریں گے۔ یہ یاترا 15 ریاستوں کے 110 اضلاع سے ہوکرگزرے گی۔ اس کے تحت 100 لوک سبھا سیٹیں آئیں گی۔ راہل گاندھی کی یاترا ممبئی میں ختم ہوگی۔
‘भारत जोड़ो न्याय यात्रा’ का रूट मैप
📍मणिपुर से मुंबई तक
6700 किमी | 66 दिन | 110 जिले pic.twitter.com/uSO6jGfY3i
— Congress (@INCIndia) January 4, 2024
ملیکا ارجن کھڑگے اور راہل گاندھی کی میٹنگ
جے رام رمیش نے بتایا کہ جمعرات (4 جنوری) کو کانگریس صدر ملیکا ارجن کھڑگے اور راہل گاندھی نے ایک میٹنگ کی۔ میٹنگ میں 2024 کے الیکشن کی تیاری اور راہل گاندھی کی منی پور سے ممبئی کے درمیان کالی جارہی یاترا پرتبادلہ خیال کیا گیا۔ اس میٹنگ میں کانگریس کے سبھی ریاستی صدر بھی موجود رہے۔
इस बैठक में कांग्रेस पार्टी के सभी नेता और मुख्यमंत्री मौजूद थे। वे भी हमारे साथ इम्फाल में रहेंगे।
जल्द ही ‘भारत जोड़ो न्याय यात्रा’ की थीम आपको मिल जाएगी।
जिस तरह ‘भारत जोड़ो यात्रा’ देश के लिए प्रभावशाली रही थी, उसी तरह ‘भारत जोड़ो न्याय यात्रा’ भी हमारे देश के लिए… pic.twitter.com/fHMpnYbWTP
— Congress (@INCIndia) January 4, 2024
‘میل کا پتھر ثابت ہوئی بھارت جوڑو یاترا’
جے رام رمیش نے دعویٰ کیا کہ راہل گاندھی کی قیادت میں کنیاکماری سے کشمیر تک 4000 کلو میٹربھارت جوڑو یاترا نکالی گئی تھی۔ اس نے پورے ملک کا ماحول بدل دیا تھا اور کانگریس کے کارکنان میں نئی توانائی بھردی تھی۔ انہوں نے کہا کہ وہ یاترا پارٹی اورملک کی تاریخ میں میل کا پتھر ثابت ہوئی تھی۔
-بھارت ایکسپریس
