لوک سبھا میں اپوزیشن لیڈراورکانگریس کے سابق صدرراہل گاندھی آج ہفتہ کے روز(24 مئی، 2025) کوجموں وکشمیرکے پونچھ پہنچے ہیں۔ پونچھ لائن آف کنٹرول (ایل او سی) سے متصل علاقہ ہے، جہاں آپریشن سندورکے بعد پاکستانی فوج نے زبردست فائرنگ کی تھی، جس میں کئی شہریوں کی موت ہوگئی تھی۔ راہل گاندھی نے پاکستانی فوج کی گولہ باری میں جان گنوانے والے لوگوں کے اہل خانہ سے ملاقات کی۔ اس دوران انہوں نے کہا کہ جلد ہی حالات معمول پرآئیں گے۔
راہل گاندھی نے پونچھ کے ایک اسکول کا دورہ کیا اورسرحد پارسے گولہ باری سے متاثرہ طلبا وطالبات سے بات چیت کی۔ انہوں نے کہا، ”آپ نے خطرہ اورتھوڑی خطرناک صورتحال دیکھی ہے، لیکن تشویش نہ کریں۔ سب کچھ معمول پرآجائے گا۔ اس پریشانی سے نمٹنے کا آپ کا طریقہ یہ ہونا چاہئے کہ آپ خوب پڑھائی کریں اورخوب کھیلیں اوراسکول میں بہت سارے دوست بنائیں۔”
#WATCH | J&K | Lok Sabha LoP and Congress MP Rahul Gandhi visits the civilian areas that were affected by cross-border shelling by Pakistan in Poonch pic.twitter.com/VhKcJkPyRs
— ANI (@ANI) May 24, 2025
کانگریس رکن پارلیمنٹ اپنے دورے کے دوران جموں وکشمیرکے لیفٹیننٹ گورنرمنوج سنہا اوروزیراعلیٰ عمرعبداللہ سے بھی ملاقات کریں گے۔ جموں وکشمیرکانگریس کے صدرطارق حمید کرّا نے راہل گاندھی کے پونچھ دورے پرکہا، ”سب سے زیادہ نقصان پونچھ میں ہوا ہے۔ راہل گاندھی آج لوگوں سے ملاقات کرنے یہاں آرہے ہیں۔ وہ ان بڑے اداروں میں جائیں گے، جنہیں گولہ باری میں نقصان پہنچا ہے۔ جن بچوں کی گولی باری میں موت ہوئی ہے، ان کے گھربھی وہ جائیں گے۔”
پاکستانی فوج نے سیزفائر کی خلاف ورزی کی
آپریشن سندورکے بعد پاکستانی فوج نے جنگ بندی کی خلاف ورزی کی۔ اس دوران انہوں نے براہ راست عام شہریوں کونشانہ بنایا۔ پاکستانی فوج نے اسکولوں، گھروں اورمذہبی مقامات پرجان بوجھ کرگولہ باری اورمورٹارداغے، جس کی وجہ سے پونچھ کے علاقے میں خوف و ہراس کا ماحول ہے۔ پاکستانی گولہ باری سے متعدد افراد ہلاک اورمتعدد زخمی ہوئے۔ اس دوران صرف پونچھ میں 7 سے 10 مئی کے درمیان 13 اموات ہوئیں۔ اس میں 70 سے زائد افراد زخمی بھی ہوئے۔ اس بحران نے ہزاروں شہریوں کولائن آف کنٹرول (ایل اوسی) اوربین الاقوامی سرحد سے نقل مکانی کرنے پرمجبورکردیا ہے، جنہیں اب سرکاری امدادی کیمپوں میں پناہ لینا پڑرہا ہے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
