روسی صدر ولادیمیر پوتن نے پیر کو وزیر اعظم نریندر مودی سے فون پر بات کرتے ہوئے امریکی صدر کے ساتھ اپنی ملاقات کی تفصیلات سے پی ایم مودی کو آگاہ کیا۔ پی ایم مودی نے اس دوران روس یوکرین تنازعے کے پرامن حل پر زور دیتے ہوئے کہا کہ ہندوستان کا موقف ابتدا سے ہی پرامن حل رہا ہے اور اس کے لیے وہ ہر کوشش کی حمایت کرتا ہے۔
وزیر اعظم مودی نے سوشل میڈیا پلیٹ فارم ’ایکس‘ پر اس بات چیت کی خبر دیتے ہوئے لکھا کہ ’’الاسکا میں صدر ٹرمپ کے ساتھ ان کی حالیہ ملاقات کے تفصیلات کا اشتراک کرنے اور فون کال کرنے کے لیے میرے دوست صدر پوتن کا شکریہ۔ ہندوستان نے مسلسل یوکرین تنازعہ کے پرامن حل پر زور دیا ہے اور اس سلسلے میں کی جانے والی تمام کوششوں کی حمایت کرتا ہے۔ میں آنے والے دنوں میں ہمارے مسلسل تبادلۂ خیالات کا منتظر ہوں۔‘‘
Thank my friend, President Putin, for his phone call and for sharing insights on his recent meeting with President Trump in Alaska. India has consistently called for a peaceful resolution of the Ukraine conflict and supports all efforts in this regard. I look forward to our…
— Narendra Modi (@narendramodi) August 18, 2025
واضح رہے کہ الاسکا میں امریکی صدر ڈونلڈ ٹرمپ اور روسی صدر ولادی میر پوتن کے درمیان حالیہ ملاقات یوکرین جنگ کے پرامن حل کے لیے ایک اہم سفارتی اقدام تھا۔ اس ملاقات میں پوتن نے اس بات کی رضامندی ظاہر کی کہ امریکہ اور یورپ یوکرین کو نیٹو طرز کی سیکیورٹی ضمانتیں فراہم کریں، بشرطیکہ یوکرین نیٹو کا رکن نہ بنے، جو امن کی جانب ایک مثبت پیش رفت سمجھی جا رہی ہے۔ اس کے علاوہ مشرقی یوکرین کے علاقوں ڈونباس اور لوہانسک کے حوالے سے ممکنہ تبادلے پر بھی بات چیت ہوئی، لیکن یوکرین نے آئینی تحفظات کے باعث اسے مسترد کر دیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
