پرینکا گاندھی
Lok Sabha Election 2024: کانگریس جنرل سکریٹری پرینکا گاندھی واڈرا نے کیرلا کے پتھانامتھٹا میں ایک عوامی جلسے کوخطاب کرتے ہوئے بی جے پی پرتنقید کی۔ اس دوران انہوں نے پاکستان کا بھی ذکرکیا۔ انہوں نے کہا کہ ہندوستان اورپاکستان دونوں ایک ساتھ ہی آزاد ہوئے تھے، لیکن دونوں کے درمیان فرق واضح ہے۔
پرینکا گاندھی نے ریلی کوخطاب کرتے ہوئے کہا کہ سب سے بڑی بات یہ ہے کہ، جس نے ہمیں ایک ساتھ رکھا ہے اورجس نے ہمارے ملک کی مسلسل ترقی کویقینی بنایا ہے۔ وہ یہ ہے کہ ہم ایک جمہوری ملک ہیں۔ بی جے پی ہمیشہ کہتی ہے کہ 70 سالوں میں کیا ہوا ہے۔ مجھے لگتا ہے کہ یہ اس ثبوت سے واضح ہے کہ ہم نے ایک مضبوط اورزندہ جمہوری ملک کی تعمیرکی ہے۔ پاکستان کو ہی دیکھ لیجئے، جوہمارے ساتھ ہی آزاد ہوا تھا۔ وہ کہاں ہیں اورہم کہاں ہیں؟
The BJP asks, “What was done in 70 years?”
The greatest achievement in 70 years is visible in the fact that we created a strong and vibrant democratic nation. We’ve been a strong, united nation, and we’ve progressed more than all the other nations around us.
Our freedom… pic.twitter.com/Q0ezdqJpQL
— Congress (@INCIndia) April 20, 2024
پرینکا گاندھی نے کیرلا کو بتایا اپنا دوسرا گھر
کانگریس لیڈرپرینکا گاندھی نے مزید کہا کہ کیرلا آنا ہمیشہ ہی اچھا رہا ہے۔ اب تواوربھی زیادہ، کیونکہ گزشتہ 5 سالوں سے میرے بھائی نے اس جگہ کواپنا دوسرا گھربنا لیا ہے۔ ہمارے یہاں الگ-الگ مذہب، زبانیں، ذات اورتہذیب ہیں۔ آج بہت کم لوگ ہیں، جنہیں اس بات کا احساس ہے کہ یہ کتنی بڑی حصولیابی ہے کہ ہم ایک دوسرے کے ساتھ خوشی خوشی رہتے ہوئے یہاں تک آئے ہیں۔
پرینکا گاندھی نے مودی حکومت پرلگائے سنگین الزام
پرینکا گاندھی نے مرکزکی مودی حکومت کو بھی نشانے پرلیا۔ انہوں نے کہا کہ گزشتہ 10 سالوں میں ہرادارے کمزورہوگئے ہیں یا تقریباً برباد ہوگئے ہیں۔ ہمارا میڈیا پوری طرح سے وزیر اعظم کے بے حد امیردوستوں کے ذریعہ کنٹرول کیا جا رہا ہے، جوصنعت کے ایک بڑے علاقے کوبھی مدعوکرتے ہیں۔ ہماری عدلیہ کودھمکایا جاتا ہے اورایجنسیوں کا استعمال اپوزیشن کو پریشان کرنے کے لئے کیا جاتا ہے۔ وزیراعظم اوران کے اتحادی ہندوستان کے آئین کوبدلنے کی بات کرتے ہیں، وہ ہماری جمہوریت میں آپ کی شراکت داری کوکمزورکرنا چاہتے ہیں۔
بھارت ایکسپریس۔
