وزیر اعظم نریندر مودی۔ فوٹو اے این آئی
نئی دہلی: وزیر اعظم نریندر مودی نے منگل کے روز وزیر اعظم شہزادہ محمد بن سلمان بن عبدالعزیز آل سعود سے ہندوستان اور سعودی عرب کے درمیان اسٹریٹجک شراکت داری کے مستقبل پر بات کی۔ یہ اطلاع وزیر اعظم کے دفتر (پی ایم او) کی طرف سے جاری ایک بیان میں دی گئی۔ پی ایم او کے مطابق، دونوں لیڈران نے مغربی ایشیا کی صورتحال پر تبادلہ خیال کیا اور دہشت گردی، تشدد اور جانی نقصان سے متعلق خدشات کا اظہار کیا۔
اس ٹیلی فونک بات چیت کے بعد وزیر اعظم مودی نے ‘X’ پر ایک پوسٹ میں کہا، ‘میں نے اپنے بھائی شہزادہ محمد بن سلمان بن عبدالعزیز آل سعود کے ساتھ ہندوستان اور سعودی عرب کے درمیان اسٹریٹجک شراکت داری کے مستقبل پر اچھی بات چیت کی۔’ ‘ہم نے مغربی ایشیا کی صورتحال پر تبادلہ خیال کیا اور دہشت گردی، تشدد اور جانی نقصان سے متعلق خدشات کا اظہار کیا۔ خطے میں امن، سلامتی اور استحکام کے لیے مل کر کام کرنے پر اتفاق کیا۔
بھارت ایکسپریس۔
