وزیر اعظم نریندر مودی نے اتوار کو نئے پمبن پل کا افتتاح کیا اور ان الزامات کا سختی سے جواب دیا کہ مرکزی حکومت نے تمل ناڈو کی فنڈنگ میں کمی کی ہے۔ تمام الزامات مسترد کرتے ہوئے انھوں نے اس بات پر زور دیا کہ ریاست کے بنیادی ڈھانچے کی ترقی اور ریاست کی بہتری ان کی انتظامیہ کی اولین ترجیح ہے۔
وزیراعظم نے ریاست کو ناکافی فنڈنگ کے الزامات کی تردیدی کی
رامیشورم میں ایک عوامی اجتماع سے خطاب کرتے ہوئے وزیر اعظم مودی نے تمل ناڈو کے لیے ناکافی فنڈ مختص کرنے کے الزامات کو ’’غیرمنصفانہ‘‘ قرار دیتے ہوئے ان کی تردیدی کی اور الزام لگانے والوں کو تنقید کا نشانہ بنایا۔ انھوں نے کہا ’’ تمل ناڈو کا بنیادی ڈھانچہ حکومت کی اولین ترجیح ہے۔ پچھلی دہائی میں ریاست کے ریل بجٹ میں سات گنا سے زیادہ اضافہ ہوا ہے۔ اس اہم ترقی کے باوجود کچھ لوگ بلاجواز شکایت کرتے ہیں۔‘‘
وزیر اعظم نے انڈیا اتحاد کو بنایا تنقید کا نشانہ
وزیر اعظم نے موجودہ حکومت کی کوششوں اور پچھلی انتظامیہ کی کوششوں کے درمیان خاص طور پر انڈیا اتحاد کی قیادت میں سخت تضاد کو نشان زد کیا۔ انھوں نے کہا ’’2014 سے پہلے تمل ناڈو کو ریل پراجیکٹس کے لیے صرف ₹ 900 کروڑ سالانہ ملتے تھے۔ آپ سب جانتے ہیں کہ اس وقت INDI الائنس کی سربراہی کون کر رہا تھا۔ آج ریاست کا ریل بجٹ ₹ 6,000 کروڑ سے زیادہ ہے‘‘ وزیر اعظم نے مزید کہا کہ پچھلی حکومتیں تمل ناڈو کی ترقی کو ترجیح دینے میں ناکام رہی تھیں۔
رامیشورم میں پی ایم مودی کا شاندار استقبال
سری لنکا دورے سے سیدھا رامیشورم پہنچنے پر بی جے پی لیڈران نے وزیر اعظم مودی کا گرمجوشی سے استقبال کیا۔ تمل ناڈو کے گورنر آر این روی اور وزیر ریلوے اشونی وشناو مرکزی وزیر اور بی جے پی لیڈر ایل مروگن کے ساتھ اس تقریب میں شامل ہوئے، جنھوں نے مودی کو تعریفی نشان کے طور پر ایک پینٹنگ بھی پیش کی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
