وزیراعظم نریندر مودی۔ (فائل فوٹو)
BJP Parliamentary Party Meeting: بھارتیہ جنتا پارٹی (بی جے پی) کے پارلیمانی بورڈ کی میٹنگ میں وزیراعظم نریندر مودی نے حصہ لیا۔ میٹنگ میں وزیراعظم مودی نے ترکی میں آئے تباہ کن زلزلہ کا ذکر کیا اور جذباتی ہوگئے۔ انہوں نے گجرات کے کچھ کے زلزلہ کو یاد کرتے ہوئے کہا، ایسی مصیبتیں ہم نے بھی جھیلی ہیں۔ ہندوستان ترکی کی ہرممکن مدد کرے گا۔
بی جے پی پارلیمانی بورڈ کی میٹنگ میں ترکی اور شام کے زلزلے کے سانحہ پر افسوس کا اظہار کیا گیا۔ وہاں بنے حالات کے بارے میں بات کرتے ہوئے وزیراعظم مودی نے سال 2021 میں کچھ کے زلزلہ کو یاد کرکے کہا، اس طرح کی مشکلات کا ہم نے بھی سامنا کیا ہے۔ ہم (ہندوستان) اس مشکل وقت میں ترکی کی ہرممکن مدد کریں گے۔
دراصل، پیر کے روز (6 فروری) کو ترکی میں تباہ کن زلزلہ آیا تھا۔ اس کی شدت 7.8 ریکٹراسکیل تھی۔ زلزلہ اتنا خطرناک تھا کہ اب تک 4 ہزار سے زیادہ لوگوں کی اموات درج کی جاچکی ہیں۔ جبکہ 15 ہزار سے زائد لوگ زخمی ہوئے ہیں۔
Budget session: PM Modi attends BJP parliamentary party meeting
Read @ANI Story | https://t.co/EoS6g7MBdI#PMModi #BJP #parliamentarypartymeeting #Parliament #BudgetSession #BJPmeeting pic.twitter.com/JOXbnsHafd
— ANI Digital (@ani_digital) February 7, 2023
غریبوں کے مفاد کا بجٹ: وزیراعظم
مرکزی بجٹ پیش کئے جانے کے بعد بی جے پی کی پارلیمانی ٹیم کی اس میٹنگ میں وزیراعظم مودی نے سبھی اراکین پارلیمنٹ سے بجٹ کو عوام تک پہنچانے کی اپیل کی۔ انہوں نے کہا کہ بجٹ میں غریبوں کے مفاد کو اولین ترجیح دی گئی ہے۔ کوئی بھی اسے ‘انتخابی بجٹ’ نہیں کہہ رہا ہے۔ حالانکہ یہ آئندہ لوک سبھا الیکشن سے پہلے آخری مکمل بجٹ ہے۔
مرکزی وزیربرائے پارلیمانی امور پرہلاد جوشی نے وزیراعظم مودی کی تقریر کا حوالہ دیتے ہوئے صحافیوں سے کہا کہ یہاں تک کہ جو لوگ نظریاتی طور پر بی جے پی کی مخالفت کر رہے ہیں، انہوں نے بھی بجٹ کا استقبال کیا ہے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
