وزیر اعظم نریندر مودی نے پیر کی شام دہلی میں ریاستہائے متحدہ کے نیشنل انٹیلی جنس کی ڈائریکٹر تلسی گابرڈ سے ملاقات کی۔ وزیر اعظم مودی نے تلسی گابرڈ کا استقبال کرتے ہوئے انھیں مہاکبھ سے لایا ہوا گنگا کا مقدس پانی پیش کیا۔ وہیں تلسی گابرڈ نے وزیر اعظم کو تلسی کی ایک مالا تحفے میں پیش کی۔ وزیر اعظم کے ساتھ تلسی گابارڈ کی اس ملاقات سے کچھ گھنٹے قبل ہی وزیر دفاع راجناتھ سنگھ نے بھی گابرڈ سے ملاقات کی تھی اور ان سے خالصتانی گروپ سکھ فار جسٹس اور اس کے بانی گروپتونت پنن کے خلاف کارروائی کا مطالبہ کیا ہے۔
#WATCH | Delhi: US Director of National Intelligence (DNI) Tulsi Gabbard met Prime Minister Narendra Modi today. The PM presented her with a vase containing Gangajal from the recently concluded Prayagraj Mahakumbh. pic.twitter.com/jJ0OJbggNF
— ANI (@ANI) March 17, 2025
تلسی گابرڈ کی گذشتہ دو مہینوں میں وزیر اعظم مودی سے یہ دوسری ملاقات ہے۔ اس سے قبل ان دونوں کی ملاقات فروری میں ہوئی تھی، جب وزیر اعظم مودی امریکی صدر ڈونلڈ ٹرمپ کے ساتھ دوطرفہ ملاقات کے لیے واشنگٹن ڈی سی میں تھے۔ آج کی ملاقات میں پی ایم مودی اور تلسی گابرڈ نے دہشت گردی اور سائبرسیکیوریٹی جیسے خطرات سے نمٹنے کے لیے باہمی تعاون بڑھانے پر تبادلۂ خیال کیا۔
اس کے علاوہ انھوں نے ’’ایک مضبوط ہندوستان-امریکہ شراکت داری‘‘ پر بھی زور دیا۔ وزیر اعظم کے ساتھ بیٹھنے سے قبل گابرڈ نے راج ناتھ سنگھ سے ملاقات کی تھی جس میں انٹیل شیئرنگ سمیت کئی مسائل پر تبادلہ خیال کیا گیا، تاکہ ہندوستان-امریکہ شراکت کو مزید گہرا بنایا جا سکے۔ اس سے قبل انھوں نے قومی سلامتی کے مشیر اجیت ڈوبھال سے بھی ملاقات کی تھی۔
واضح رہے کہ تلسی گابرڈ کو گذشتہ ماہ ہی امریکہ کی اعلیٰ انٹیلی جنس چیف بنایا گیا ہے۔ وہ تقریباً 100 بلین ڈالر بجٹ کے ساتھ سی آئی اے، ایف بی آئی اور این ایس اے سمیت 18 امریکی انٹیلی جنس ایجنسیوں کی نگرانی کرتی ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
