لوک سبھا میں آپریشن سندور پر بحث کے دوران وزیر داخلہ امت شاہ کی تقریر کو پی ایم مودی نے سراہتے ہوئے اسے نہایت اہم اور مفصل قرار دیا۔ سوشل میڈیا پلیٹ فارم ’ایکس‘ پر وزیر اعظم مودی نے لوک سبھا میں امت شاہ کے خطاب کی ویڈیو لنک پر مشتمل ٹویٹ کو شیئر کرتے ہوئے لکھا کہ ’’لوک سبھا میں اپنی اہم تقریر میں وزیر داخلہ امت شاہ نے آپریشن سندور اور آپریشن مہادیو سے متعلق تفصیلی معلومات فراہم کیں۔‘‘
लोकसभा की अपनी महत्वपूर्ण स्पीच में गृह मंत्री अमित शाह जी ने ऑपरेशन सिंदूर और ऑपरेशन महादेव को लेकर पूरे विस्तार से जानकारी साझा की है। आतंक के खिलाफ इन अभियानों ने कायर आतंकियों के सफाए में काफी अहम भूमिका निभाई है। अपने संबोधन में उन्होंने देश की सुरक्षा सुनिश्चित करने के लिए… https://t.co/FQ7cCNl4nO
— Narendra Modi (@narendramodi) July 29, 2025
پی ایم مودی نے مزید لکھا کہ ’’دہشت گردی کے خلاف ان کارروائیوں نے بزدل دہشت گردوں کا صفایا کرنے میں بہت اہم کردار ادا کیا ہے۔ اپنے خطاب میں انھوں نے ملک کی سلامتی کو یقینی بنانے کے لیے ہماری حکومت کی کوششوں کے بارے میں بھی پوری سنجیدگی کے ساتھ بات کی ہے۔‘‘ واضح رہے کہ وزیر داخلہ امت شاہ نے آج لوک سبھا میں آپریشن سندور پر بحث کے دوران نہ صرف اس پر بات کی، بلکہ گزشتہ روز کشمیر میں ہوئے آپریشن مہادیو کی بھی معلومات فراہم کرتے ہوئے بتایا کہ پہلگام دہشت گردانہ حملے میں ملوث تینوں دہشت گرد مار گرائے گئے ہیں۔
اس دوران وزیر داخلہ نے اپوزیشن پر بھی نشانہ سادھا اور کانگریس کو اس کی غلطی کی یاد دلاتے ہوئے شاہ نے لوک سبھا میں کہا کہ ’’22 اپریل کو پہلگام حملہ ہوا۔ 25 ہندوستانی اور ایک نیپالی شہری مارے گئے تھے۔ میں رات میں ہی سری نگر کے لئے نکل گیا۔ پی ایم مودی نے 23 اپریل کو سی سی ایس کی میٹنگ کی۔ کانگریس کا بلنڈر تھا انڈس واٹر ٹریٹی۔ ہم نے اسے معطل کیا۔ پاکستانی شہریوں کے ویزا معطل کر انھیں بھیجنے کا کام کیا۔ سی سی ایس نے عزم کیا کہ دہشت گرد جہاں بھی چھپے ہیں، سیکورٹی فورسز انھیں منہ توڑ جواب دیں گی۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
