روم: وزیراعظم نریندر مودی نے اپنے پانچ ملکی دورے کے آخری مرحلے میں اٹلی پہنچنے کے بعد اطالوی وزیراعظم جارجیا میلونی سے ملاقات کی۔ دونوں رہنماؤں نے عشائیے کے بعد روم کے تاریخی اور مشہور مقام کولوزیم (روم میں واقع دنیا کا سب سے قدیم ایمفی تھیٹر) کا دورہ بھی کیا، جہاں مختلف موضوعات پر تفصیلی گفتگو ہوئی۔
کولوزیم میں غیر رسمی ملاقات، دوطرفہ تعلقات پر تبادلۂ خیال
وزیراعظم مودی نے سوشل میڈیا پلیٹ فارم ایکس پر اپنے دورے کی جھلکیاں شیئر کرتے ہوئے کہا کہ روم پہنچنے کے بعد انہیں وزیراعظم میلونی سے عشائیے پر ملاقات کا موقع ملا، جس کے بعد دونوں نے کولوزیم کا دورہ کیا۔ مودی نے کہا کہ ملاقات کے دوران مختلف موضوعات پر خیالات کا تبادلہ کیا گیا اور وہ آج ہونے والی باضابطہ بات چیت کے منتظر ہیں، جس میں ہندوستان اور اٹلی کی دوستی کو مزید مضبوط بنانے پر تبادلۂ خیال ہوگا۔
Upon landing in Rome, had the opportunity to meet Prime Minister Meloni over dinner followed by a visit to the iconic Colosseum. We exchanged perspectives on a wide range of subjects. Looking forward to our talks today, where we will continue the conversation on how to boost the… pic.twitter.com/df0bDYKCdU
— Narendra Modi (@narendramodi) May 20, 2026
جارجیا میلونی نے کیا گرمجوش استقبال
اطالوی وزیر اعظم جارجیا میلونی نے روم پہنچنے پر وزیر اعظم مودی کا خیر مقدم کیا۔ انہوں نے ایکس پر مودی کے ساتھ تصویر شیئر کرتے ہوئے لکھا: ’’روم میں خوش آمدید، میرے دوست!‘‘ میلونی نے کولوزیم کے دورے کی تصاویر بھی شیئر کیں، جو سوشل میڈیا پر تیزی سے وائرل ہوئیں۔ روم پہنچنے پر وزیر اعظم مودی کا ہندوستانی برادری نے پرتپاک استقبال کیا۔ اس موقع پر ثقافتی پروگرام بھی پیش کیے گئے۔ وزیر اعظم نے ہوٹل میں موجود ہندوستانی کمیونٹی کے افراد سے ملاقات کی اور ایک بچے کو آٹوگراف بھی دیا، جس نے مودی کی تصویر بطور تحفہ پیش کی تھی۔ اس موقع پر سوامنی سدھانندا گری نے بتایا کہ وہ 2021 کے بعد دوسری بار وزیر اعظم مودی سے مل رہی ہیں۔ انہوں نے کہا کہ اٹلی کی پارلیمنٹ نے ’’سناتن دھرم سنگھ‘‘ کو اٹلی میں باضابطہ مذہب کے طور پر تسلیم کیا ہے۔
تجارت، دفاع اور ٹیکنالوجی میں تعاون بڑھانے پر توجہ
وزیراعظم مودی کا یہ دورہ ایسے وقت میں ہو رہا ہے جب ہندوستان اور اٹلی کے تعلقات میں تیزی سے پیش رفت دیکھی جا رہی ہے۔ دونوں ممالک 2025-2029 کے مشترکہ اسٹریٹجک ایکشن پلان پر فعال طور پر کام کر رہے ہیں۔ اس منصوبے کے تحت تجارت، سرمایہ کاری، دفاع و سلامتی، صاف توانائی، اختراع، سائنس و ٹیکنالوجی اور عوامی روابط سمیت مختلف شعبوں میں تعاون کو فروغ دیا جا رہا ہے۔ واضح رہے کہ اٹلی پہنچنے سے قبل وزیراعظم مودی ناروے، سویڈن، نیدرلینڈ اور متحدہ عرب امارات کا دورہ کر چکے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
