وزیر اعظم نریندر مودی نے پیر کو اپنے گجرات دورے کے دوران داہود میں ہندوستانی ریلوے کے لوکوموٹیو مینوفیکچرنگ پلانٹ کا افتتاح کیا، جو ملک کے ریلوے کے بنیادی ڈھانچے اور مال برداری کی صلاحیت کو بڑھانے میں ایک اہم سنگ میل ہے۔ وزیراعظم نے پلانٹ میں بنائے گئے پہلے الیکٹرک انجن کو بھی جھنڈی دکھا کر روانہ کیا۔ اس موقع پر مرکزی وزیر ریلوے اشونی وشنو اور گجرات کے وزیر اعلی بھوپیندر پٹیل بھی ان کے ساتھ تھے۔
وزیر اعظم نے کنیکٹیویٹی کو بڑھانے اور عالمی معیار کے سفری انفراسٹرکچر کی تعمیر کے اپنے عزم کے مطابق اس مینوفیکچرنگ پلانٹ کا افتتاح کیا۔ یہ پلانٹ گھریلو مقاصد اور برآمد کے لیے 9000 HP الیکٹرک انجن تیار کرے گا۔ یہ انجن ہندوستانی ریلوے کی مال برداری کی صلاحیت کو بڑھانے میں مدد کریں گے اور نئے بریک سسٹم سے لیس ہوں گے۔ ساتھ ہی ان انجنوں کو توانائی کی کھپت کو کم کرنے کے لیے ڈیزائن کیا گیا ہے، جس سے ماحولیاتی استحکام میں مدد ملے گی۔
وزیر اعظم مودی نے وڈودرا میں کیا روڈ شو
وزیر اعظم مودی 26 سے 27 مئی تک گجرات کے دو روزہ دورے پر ہیں اور انھوں نے آج وڈودرا میں روڈ شو کیا۔ انھوں نے روڈ شو کے بعد شہر کے لوگوں کا شکریہ ادا کیا اور اس تجربے کو ’’انتہائی خوش گوار‘‘ قرار دیا۔ وزیر اعظم مودی نے سوشل میڈیا پلیٹ فارم ’ایکس‘ پر لکھا ’’آپ کا شکریہ وڈودرا! میں اس عظیم شہر میں آکر بہت خوش ہوں۔ یہ ایک شاندار روڈ شو تھا اور وہ بھی صبح کے وقت! ان تمام لوگوں کا شکریہ جنھوں نے اپنا آشیرواد دیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
