وزیراعظم نریندر مودی نے مہاراشٹر میں وندے بھارت ایکسپریس کو ہری جھنڈی دکھا کر روانہ کیا۔
Vande Bharat Express: وزیراعظم نریندر مودی نے جمعہ کے روز ممبئی میں چھترپتی شیوا جی مہاراج ٹرمنس سے دو وندے بھارت ٹرین (ممبئی-سولا پور اور ممبئی-سائی نگرشرڈی) کا افتتاح کیا۔ اس موقع پر مرکزی وزیر برائے ریلوے اشونی ویشنو، ریاست کے وزیراعلیٰ ایکناتھ شندے، نائب وزیراعلیٰ دیویندر فڑنویس بھی موجود رہے۔ اس کے ساتھ ہی ممبئی سے چلنے والی وندے بھارت ایکسپریس ٹرینوں کی تعداد بڑھ کر تین اور ملک میں ان کی کل تعداد 10 ہوگئی ہے۔
سی ایس ایم ٹی-سولا پور وندے بھارت ایکسپریس ٹرین چلنے سے دونوں شہروں کے درمیان رابطہ بہتر ہوگا اور سولا پور کے سدھوشور، اکالکوٹ، تلجاپور، سولا پور کے پاس پنڈھرپور اور پنے ضلع میں الاندی جانے والے تیرتھ یاتریوں کو سہولت ہوگی۔ وہیں دوسری وندے بھارت ایکسپریس ٹرین سے ناسک ضلع میں واقع تریمبکیشور، سائی نگر شرڈی اور شی سگنا پور جانے والے عقیدت مندوں کو سہولت ہوگی۔
Prime Minister Narendra Modi flags off Mumbai-Sainagar Shirdi Vande Bharat Express. pic.twitter.com/k6KZpQUT0b
— ANI (@ANI) February 10, 2023
اس دوران وزیراعظم نریندر مودی نے عوامی جلسے کو بھی خطاب کیا۔ انہوں نے کہا، ‘آج پہلی بار ایک ساتھ 2 وندے بھارت ٹرین کی شروعات ہوئی ہے۔ یہ ریاست میں سیاحت اور تیرتھ یاترا (عقیدتمندوں کی زیارت) کو فروغ ملے گا’۔ وزیراعظم مودی نے کہا کہ وندے بھارت ٹرین آج کے جدید ہوتے ہوئے ہندوستان کی شاندار تصویر ہے۔ یہ بھارت کی اسپیڈ اور اسکیل کے پیمانہ کی عکاسی ہے۔ آپ دیکھ رہے ہیں کہ ملک میں کتنی تیزی سے وندے بھارت لانچ ہو رہی ہے۔ اب تک 10 ایسی ٹرینیں لانچ ہوچکی ہیں۔ آج ملک کے 17 ریاستوں کے 108 اضلاع وندے بھارت سے جڑچکے ہیں۔
وزیراعظم مودی نے کہا کہ ہندوستان کی تاریخ میں پہلی بار 10 لاکھ کروڑ روپئے صرف انفراسٹرکچر کی ترقی کے لئے رکھے گئے ہیں۔ یہ 9 سال کے مقابلے میں 5 گنا زیادہ ہے، جس میں ریلوے کا حصہ 2.5 لاکھ کروڑ روپئے ہے۔ مجھے یقین ہے کہ ڈبل انجن کی حکومت کی ڈبل کوششوں سے مہاراشٹر میں کنیکٹیوٹی مزید تیزی سے جدید بنے گی۔
-بھارت ایکسپریس
