بھارت آج اپنا 77واں یوم جمہوریہ پورے جوش و خروش اور قومی فخر کے ساتھ منا رہا ہے۔ پورے ملک میں جشن کا ماحول ہے اور ہر طرف ترنگے کے رنگ بکھرے ہوئے ہیں۔ راجدھانی دہلی کے کرتویہ پاتھ پر شاندار پریڈ کی تیاریاں مکمل کر لی گئی ہیں، جہاں زمین سے آسمان تک بھارت کی طاقت، بہادری اور ثقافتی تنوع کا مظاہرہ ہوگا۔ ریپبلک ڈے پریڈ میں فوجی دستوں کی شاندار قدم تال کے ساتھ ساتھ مختلف ریاستوں اور وزارتوں کی جھانکیاں بھی شامل ہوں گی، جو ملک کی قدیم ثقافتی وراثت اور ترقی کے سفر کی جھلک پیش کریں گی۔ یوم جمہوریہ کے اس تاریخی موقع پر وزیراعظم نریندر مودی نے بھی ملک کے عوام کو مبارکباد دی۔ انہوں نے سوشل میڈیا پلیٹ فارم ایکس پر اپنے پیغام میں لکھا کہ تمام ہم وطنوں کو یوم جمہوریہ کی دل سے مبارکباد۔ انہوں نے کہا کہ یہ قومی تہوار بھارت کی آن، بان اور شان کی علامت ہے اور امید ظاہر کی کہ یہ دن ہر شہری کی زندگی میں نئی توانائی اور نیا جوش بھرے گا، ساتھ ہی ترقی یافتہ بھارت کے عزم کو مزید مضبوط کرے گا۔
सभी देशवासियों को गणतंत्र दिवस की बहुत-बहुत बधाई। भारत की आन-बान और शान का प्रतीक यह राष्ट्रीय महापर्व आप सभी के जीवन में नई ऊर्जा और नए उत्साह का संचार करे। विकसित भारत का संकल्प और अधिक सुदृढ़ हो, यही कामना है।
— Narendra Modi (@narendramodi) January 26, 2026
وزیراعظم مودی نے اپنے پیغام میں یہ بھی کہا کہ یوم جمہوریہ بھارت کی آزادی، آئین اور جمہوری اقدار کی مضبوط علامت ہے۔ یہ دن ہمیں متحد ہو کر قوم کی تعمیر کے عزم کے ساتھ آگے بڑھنے کی نئی تحریک دیتا ہے۔ انہوں نے اس موقع پر ایک سنسکرت شلوک کا حوالہ دیتے ہوئے اتحاد اور آزادی کی اہمیت پر بھی زور دیا۔ادھر، آج کے پروگرام سے قبل صدر جمہوریہ دروپدی مرمو کرتویہ پاتھ پر قومی پرچم ترنگا لہرائیا، جب کہ اس سے پہلے وزیراعظم مودی نیشنل وار میموریل پہنچ کر شہید فوجیوں کو خراج عقیدت پیش کی۔
गणतंत्र दिवस हमारी स्वतंत्रता, संविधान और लोकतांत्रिक मूल्यों का सशक्त प्रतीक है। यह पर्व हमें एकजुट होकर राष्ट्र निर्माण के संकल्प के साथ आगे बढ़ने की नई ऊर्जा और प्रेरणा देता है।
पारतन्त्र्याभिभूतस्य देशस्याभ्युदयः कुतः।
अतः स्वातन्त्र्यमाप्तव्यमैक्यं स्वातन्त्र्यसाधनम्॥ pic.twitter.com/i0XjjgL38x
— Narendra Modi (@narendramodi) January 26, 2026
یوم جمہوریہ کی تقریبات کے دوران کسی بھی قسم کی ناخوشگوار صورتحال سے نمٹنے کے لیے ملک بھر میں سخت حفاظتی انتظامات کیے گئے ہیں۔ دہلی سے کشمیر اور کنیاکماری تک، اور گجرات سے شمال مشرقی ریاستوں تک سکیورٹی ہائی الرٹ پر ہے۔ صرف دہلی میں ہی دس ہزار سے زائد سکیورٹی اہلکار تعینات کیے گئے ہیں، جب کہ تین ہزار سے زیادہ سی سی ٹی وی کیمروں کے ذریعے ہر حساس مقام پر کڑی نگرانی رکھی جا رہی ہے، تاکہ یہ قومی جشن پرامن اور باوقار انداز میں مکمل ہو سکے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
