جمعرات کو پارلیمنٹ کے دونوں ایوانوں یعنی لوک سبھا اور راجیہ سبھا کی کارروائی حزبِ اختلاف کے احتجاج کے باعث دن بھر کے لیے ملتوی کر دی گئی۔ اب اجلاس جمعہ کو صبح 11 بجے شروع ہوگا۔ لوک سبھا میں اس وقت ہنگامہ ہوا جب ’’گوا میں درج فہرست قبائل کی نشستوں کے ازسرِ نو تعین‘‘ سے متعلق بل پر بحث ہو رہی تھی۔ اسپیکر کے عدم موجودگی میں کرشنا پرساد تنیٹی اجلاس کی صدارت کر رہے تھے، جنھوں نے ایوان کی کارروائی ملتوی کر دی۔
صبح کے وقت لوک سبھا کا اجلاس 11 بجے شروع ہوا لیکن احتجاج کے باعث اسپیکر اوم برلا نے اسے دوپہر 2 بجے تک ملتوی کر دیا۔ اسپیکر نے ارکان سے اپیل کی کہ وہ ایوان کی کارروائی میں خلل نہ ڈالیں اور نعرے بازی و بینرز کے استعمال پر تنقید کی۔ انھوں نے کہا کہ ایسا رویہ کسی پارٹی کی ’’روایت‘‘ کے مطابق نہیں۔ بعد ازاں احتجاج جاری رہنے کے سبب کارروائی کو جمعہ کی صبح گیارہ بجے تک کے لیے ملتوی کر دیا گیا۔
راجیہ سبھا میں ایس آئی آر پر جاری رہا ہنگامہ
اسی طرح راجیہ سبھا میں ’’سمندری راستے سے مال برداری سے متعلق بل‘‘ پر بحث جاری تھی، جب چیئرمین بھوبنیشور کلیتا نے حزبِ اختلاف کے نعروں اور احتجاج کے بعد اجلاس ملتوی کر دیا۔ اپوزیشن بہار میں ووٹر لسٹ پر خصوصی نظرِثانی (SIR) کے خلاف احتجاج کر رہی تھی۔ کانگریس کے رکن پارلیمنٹ گورو گوگوئی نے کہا کہ ایوان کی کارروائی تبھی آگے بڑھے گی جب حکومت بہار میں ووٹر لسٹ پر نظرِثانی کے معاملے پر جواب دے گی۔ انھوں نے کہا کہ حزبِ اختلاف صرف یہ جاننا چاہتی ہے کہ آیا اس موضوع پر بحث ہوگی یا نہیں۔ گوگوئی کے مطابق، عوام اس مسئلے پر وزیر اعظم نریندر مودی کا مؤقف سننا چاہتی ہے تاکہ دونوں فریق اپنی رائے عوام کے سامنے رکھ سکیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
