پورنیہ کے رکن پارلیمنٹ پپویادو دہلی اسمبلی الیکشن میں انتخابی تشہیر میں مصروف ہیں۔
Delhi Assembly Election 2025: لوک سبھا رکن پارلیمنٹ پپویادو دہلی الیکشن میں کانگریس کے لئے انتخابی تشہیر کرنے کے لئے میدان میں اترگئے ہیں۔ وہ آج (25 جنوری) کالکا جی میں عوامی جلسہ کریں گے۔ اس درمیان پپویادونے دعویٰ کیا کہ عام آدمی پارٹی کوصرف کانگریس ہی شکست دے سکتی ہے اوربی جے پی میں مادہ نہیں ہے۔
پپویادو نے ایکس پر لکھا، ”دہلی میں عام آدمی پارٹی کو پٹخنی کانگریس ہی دے سکتی ہے، بی جے پی بہت بے کار جاہل پارٹی ہے، اس میں مادہ نہیں۔ کانگریس آئندہ ایک ہفتے میں دہلی الیکشن کی فضا بدل دے گی۔ غریب، دلت، اقلیتی طبقہ کے سبھی سماج اور متوسط طبقہ تیزی سے کانگریس کی طرف مخاطب ہو رہا ہے، مینڈیٹ لوٹ رہا ہے۔”
پپویادو الکا لانبا اوراریبہ خان کے لئے مانگیں گے ووٹ
کالکا جی سے کانگریس امیدوارالکا لانبا نے اس درمیان جانکاری دی کہ پورنیہ سے رکن پارلیمنٹ پپویادو کالکاجی اسمبلی حلقہ میں اپنی بات رکھیں گے۔ کالکا جی میں الکا لانبا کا مقابلہ وزیراعلیٰ آتشی اور بی جے پی کے امیدوار رمیش بدھوڑی سے ہے۔ اس علاوہ پپویادو اوکھلا سے کانگریس امیدوار اریبہ خان کے لئے بھی تشہیری مہم چلائیں گے۔ وہ شاہین باغ علاقے میں اریبہ خان کے لئے انتخابی ریلی کو خطاب کریں گے اورانہیں جتانے کی اپیل کریں گے۔
दिल्ली में AAP को पटखनी कांग्रेस ही दे सकती है
बीजेपी बहुत बेकार जाहिल पार्टी है, उसमें माद्दा नहींकांग्रेस अगले एक सप्ताह में दिल्ली चुनाव का फ़िज़ा
बदल देगी! ग़रीब, दलित,अल्पसंख्यक वर्ग के सभी
समाज और मध्यम वर्ग तेज़ी से कांग्रेस की ओर
मुखातिब हो रहा है, जनाधार लौट रहा है!— Pappu Yadav (@pappuyadavjapl) January 25, 2025
دیویندریادواورہارون یوسف کے لئے تشہیرکرچکے ہیں پپویادو
واضح رہے کہ پپویادونے 21 جنوری کوبادلی میں کانگریس امیدواردیویندریادوکی حمایت میں تشہیرکی تھی۔ اس دوران انہوں نے دعویٰ کیا تھا کہ بادلی میں تبدیلی کی لہرہے۔ اس کے علاوہ بلیماران اسمبلی حلقہ کے نبی کریم علاقے میں میں ہارون یوسف کی حمایت میں انتخابی جلسہ کیا اورانہیں جتانے کی اپیل کی۔
پپو یادوسوشل میڈیا پرکافی سرگرم
پورنیہ کے رکن پارلیمنٹ پپویادوسوشل میڈیا پربھی کافی سرگرم رہتے ہیں۔ گزشتہ دنوں بی جے پی امیدواررمیش بدھوڑی کے ذریعہ پرینکا گاندھی پرکئے گئے نازیبا تبصرہ پرپپویادو نے سخت ردعمل کا اظہارکیا تھا۔ انہوں نے کہا تھا کہ رمیش بدھوڑی نے پرینکا گاندھی کی ہی نہیں پورے ملک کی بیٹیوں کی توہین کی ہے۔ ملک کی بیٹیوں کی توہین کرانے کی سازش نریندرمودی، امت شاہ اور جے پی نڈا نے کیا ہے۔ جس شخص نے ایوان میں دانش علی کو گالی دی، ایوان کی توہین کی، اسے ٹکٹ دینا سازش ہے۔
بھارت ایکسپریس۔
