پاکستان نے لگاتار د دوسرے دن سرینگر ایئرپورٹ کو نشانہ بنانے کی کوشش کی ہے۔ تازہ اطلاعات کے مطابق سرینگر ایئرپورٹ کے قریب دھماکوں کی آوازیں سنی گئی ہیں۔ وہیں راجوری، اونتی پورہ، پٹھان کوٹ، جموں، پونچھ، سانبا، امرتسر، جیسلمیر، فیروز پور وغیرہ میں بھی ہندوستانی فوج نے کئی پاکستانی ڈرون مار گرائے ہیں۔ وہیں راجستھان کے باڑمیر میں بھی بلیک آؤٹ نافذ کر دیا گیا ہے۔
تازہ اطلاعات کے مطابق سانبا سیکٹر میں فائرنگ اور گولے باری تیز ہو گئی ہے اور ہندوستانی فوج پاکستان کو منہ توڑ جواب دے رہی ہے۔ دریں اثنا جموں و کشمیر کے وزیر اعلیٰ عمر عبداللہ نے جموں میں لوگوں سے گھروں میں رہنے اور افواہوں پر دھیان نہ دینے کی اپیل کی ہے۔ پاکستانی حملوں میں اب تک کس بھی نقصان کی خبر نہیں ہے۔ بارہمولہ میں آٹھ سے دس دھماکوں کی آوازیں سنی گئی ہیں۔ وہیں سرینگر ایئرپورٹ کے پاس پے بہ پے دس کے قریب دھماکوں کی آواز سنی گئی۔ وہیں پنجاب کے تارنترن میں بھی پاکستان نے ڈرون حملے کی کوشش کی ہے۔
وہیں وزیر اعظم مودی کی رہائش گاہ پر این ایس اے اجیت ڈوبھال اور وزیر خارجہ جے شنکر کے ایک اہم میٹنگ لگاتار جاری ہے۔ یہ میٹنگ کافی دیر سے چل رہی ہے اور اعلیٰ حکام لگاتار صورت حال کا جائزہ لے رہے ہیں۔ دریں اثنا آج آئی ایم ایف کی بورڈ میٹنگ میں ہندوستان نے پاکستان کو مالی مدد کی مخالفت کی ہے اور ووٹنگ کا بائیکاٹ کر دیا ہے۔ تاہم ہندوستان کا ووٹنگ سے دور رہنا پاکستان کے لیے مفید ثابت ہو سکتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
