جموں و کشمیر انتظامیہ نے ہفتہ کے روز کہا کہ 36.85 لاکھ مقامی لوگوں نے، جو یونین ٹیریٹری کی آبادی کا تقریباً 29 فیصد ہے، اس سال یوم آزادی کی تقریبات میں حصہ لیا اور اس کارنامے کو “ایک تاریخی سنگ میل” قرار دیاہے۔ایک سرکاری ترجمان نے کہا کہ 2011 کی مردم شماری کے مطابق 1.25 کروڑ کی کل آبادی میں سے 36,85,106 افراد کی ریکارڈ تعداد نے یوٹی کے تمام اضلاع میں منعقد ہونے والی تقریبات میں حب الوطنی کے جذبے کا مظاہرہ کرتے ہوئے حصہ لیا۔ کشمیر میں، سرکاری اعداد و شمار کے مطابق، بارہمولہ میں 3،353 تقریبات میں 10 لاکھ آبادی میں سے تقریباً 5,05,909 افراد کی شرکت کی،جو تمام اضلاع میں سرفہرست رہا۔ اس کے بعد اننت ناگ کا نمبر تھا جس میں 2,45,618 لوگوں نے 2676 تقاریب میں شرکت کی۔
حکومتی ترجمان نے کہا کہ کپوارہ نے سب سے زیادہ 4993 تقاریب کا انعقاد کیا، جس میں 2,34,146 افراد کی شرکت ریکارڈ کی گئی اور پلوامہ نے 1140 تقاریب کا انعقاد کیا جس میں ضلع میں 1,81,195 افراد نے شرکت کی۔ پنچایت سطح، تعلیمی اداروں، پٹوار خانوں، میونسپلٹیوں، تحصیلوں اور بلاک دفاتر سے کل 42,879 ایونٹس کا انعقاد کیا گیا۔ترجمان کے مطابق اس میں طلباء، منتخب نمائندوں اور سرکاری ملازمین کی ایک بڑی تعداد کی پرجوش شرکت دیکھی گئی۔
جموں و کشمیر 2019 تک یوم آزادی کے موقع پر بند، انٹرنیٹ بلیک آؤٹ اور سیکورٹی پابندیوں کا دور دیکھتا رہا ہے،جس سال مرکز نے جموں و کشمیر کی خصوصی آئینی پوزیشن کو ختم کیاتھا۔ اس سال عام لوگوں کو مفت داخلہ دیا گیاہے۔ مرکز کے زیر انتظام علاقوں کے تمام ڈائریکٹوریٹ، ڈویژنل اور ضلعی دفاتر میں پرچم کشائی کی تقریبات بھی منعقد کی گئیں، جہاں ہزاروں ملازمین نے قومی جوش و جذبے کے ساتھ شرکت کی۔ ترجمان نے کہا، “دارالحکومت سری نگر اور جموں میں بالترتیب 2052 تقاریب میں 91,504 اور 2515 تقریبات میں 1,45,663 افراد نے شرکت کی۔ جموں ڈویژن میں 19,76,255 افراد نے 23,163 تقریبات میں حصہ لیا۔حکومت نے دعویٰ کیا کہ لیفٹیننٹ گورنر منوج سنہا نے بخشی اسٹیڈیم میں تقریباً 10,000 لوگوں کے ساتھ ترنگا لہرایا۔
بھارت ایکسپریس۔
