وزیر اعظم نریندر مودی نے ٹیم انڈیا کی جیت پر مبارکباد پیش کی ہے۔
Team India Won T20 World Cup 2024: ہندوستان نے ٹی-20 ورلڈ کپ 2024 کے فائنل مقابلے میں جنوبی افریقہ کو ہراکر دوسری بار اس خطاب پرقبضہ کرلیا ہے۔ کپتان روہت شرما کی قیادت میں آج رات ٹیم انڈیا نے کرکٹ مداحوں کا وہ خواب کردیا ہے، جس کا 17 سال سے انتظار تھا۔ اس شاندار جیت پر وزیراعظم نریندرمودی نے ویڈیو پیغام جاری کرکے ٹیم انڈیا اور ملک کے باشندوں کو مبارکباد دی۔
ہندوستان نےجیتا ٹی-20 ورلڈ کپ کا خطاب
یہ جیت کتنی اہم ہے، اس کا اندازہ اسی سے لگا سکتے ہیں کہ ملک میں آدھی رات کو دیوالی جیسا جشن منایا جا رہا ہے۔ ٹی-20 ورلڈ کپ کے فائنل مقابلے میں جنوبی افریقہ 177 رنوں کے ہدف قریب آسانی سے پہنچ رہی تھی، لیکن ہمارے گیند بازوں کو یہ منظور نہیں تھا۔ پھر بھی کیا تھا… جنوبی افریقہ کے ہاتھوں سے جیت چھین لی۔ اب دوسری بار ٹی-20 ورلڈ کپ کا خطاب ہندوستان کے پاس آگیا ہے۔ اس جیت کے ہیرو کوئی ایک نہیں بلکہ تمام ہندوستانی کھلاڑی ہیں۔ سوریہ کمار یادو کا وہ کیچ تو شاید دہائیوں تک یاد رکھا جائے گا، جس کی بدولت ملر پویلین لوٹے۔
𝗖.𝗛.𝗔.𝗠.𝗣.𝗜.𝗢.𝗡.𝗦 🏆#TeamIndia 🇮🇳 HAVE DONE IT! 🔝👏
ICC Men’s T20 World Cup 2024 Champions 😍#T20WorldCup | #SAvIND pic.twitter.com/WfLkzqvs6o
— BCCI (@BCCI) June 29, 2024
وزیراعظم مودی نے دی مبارکباد
وزیراعظم مودی نے اپنے ویڈیو پیغام میں مزید کہا، ”آپ نے کرکٹ دنیا کے ہرمہارتھی، ان کے ہربال کو کھیلا اورآپ شاندار جیت حاصل کرتے رہے۔ ایک کے بعد ایک وجے کی اس روایت نے آپ کے اس حوصلے کوتوبلند کردیا، لیکن اس پوری ٹورنا منٹ کو بھی شانداراور دلچسپ بنا دیا۔ آپ نے شاندار جیت حاصل کی ہے۔ میری طرف سے میں میں آپ کو بہت بہت مبارکباد پیش کرتا ہوں۔ بہت بہت نیک خواہشات پیش کرتا ہوں۔“
CHAMPIONS!
Our team brings the T20 World Cup home in STYLE!
We are proud of the Indian Cricket Team.
This match was HISTORIC. 🇮🇳 🏏 🏆 pic.twitter.com/HhaKGwwEDt
— Narendra Modi (@narendramodi) June 29, 2024
وزیراعظم مودی نے ویڈیو پیغام میں کیا کہا؟
وزیراعظم مودی نے اپنے ویڈیو پیغام میں کہا، ”ٹیم انڈیا کو اس شاندار جیت کے لئے سبھی ملک کے باشندوں کی طرف سے بہت بہت مبارکباد۔ آج 140 کروڑ ملک کی عوام آپ کی اس شاندار کارکردگی کے لئے فخرمحسوس کر رہا ہے۔ کھیل کے میدان میں آپ نے ورلڈ کپ جیتا، لیکن ہندوستان کے ہرگاوں گلی محلے میں آپ نے تمام ملک کے باشندوں کا دل جیتا اور یہ ٹورنا منٹ ایک خصوصی وجہ سے بھی یاد رکھی جائے گی۔ اتنی ساری ملک، اتنی ساری ٹیمیں اورایک بھی میچ ہارنا نہیں، یہ چھوٹی حصولیابی نہیں ہے۔“
ایسا رہا ٹی-20 ورلڈ کپ فائنل میچ کا حال
بارباڈوس میں کھیلے گئے فائنل مقابلے میں روہت شرما نے ٹاس جیت کر بلے بازی کرنے کا فیصلہ کیا اور 177 رنوں کی ہدف سیٹ کیا۔ اس کے جواب میں جنوبی افریقہ کی ٹیم 169 رن ہی بناسکی اور اسے 7 رنوں سے میچ کو گنوانا پڑا۔ وراٹ کوہلی (76 رن) کو پلیئرآف دی میچ منتخب کیا گیا۔ وہیں جسپریت بمراہ کو پلیئرآف دی سیریزکا ایوارڈ دیا گیا ہے۔
بھارت ایکسپریس۔
