نوح تشدد کے 12 دن بعد آج سے کھلیں گے اسکول
Haryana Violence: ہریانہ پولیس کے مطابق یہاں پڑوسی ضلع نوح میں وشو ہندو پریشد کے جلوس کو روکنے کی کوشش پر پھوٹ پڑنے والا تشدد گروگرام تک پھیلنے کے بعد سیکٹر 57 کے علاقے میں ایک 26 سالہ شخص کی موت ہو گئی اور ایک مسجد کو نذر آتش کر دیا گیا۔
پولیس نے کہا کہ، ہجوم نے فائرنگ بھی کی جس میں دو افراد زخمی ہوئے ہیں۔ انہوں نے بتایا کہ ان میں سے ایک کی علاج کے دوران موت ہو گئی۔ ایک سینئر افسر نے بتایا کہ متوفی کی شناخت بہار کے رہنے والے سعد کے طور پر ہوئی ہے۔ نوح سے پھیلنے والی ”شدید فرقہ وارانہ کشیدگی” کے نتیجے میں یہ تیسری موت ہے۔
پولیس کے مطابق ہجوم آدھی رات کے بعد سیکٹر 57 میں واقع انجمن مسجد کے پاس پہنچا۔ ہجوم میں سے کچھ لوگوں نے مسجد میں موجود لوگوں پر گولیاں چلائیں اور مسجد کو بھی آگ لگا دی۔ پیر کے روز دو ہوم گارڈز ہلاک اور کم از کم 15 دیگر زخمی ہو گئے جن میں کئی پولیس اہلکار بھی شامل ہیں، پیر کو نوح ضلع میں ایک ہجوم نے وشو ہندو پریشد کے جلوس کو روکنے کی کوشش کی، پتھراؤ کیا اور کاروں کو بھی آگ لگا دی۔
جیسے ہی مسلم اکثریتی نوح میں تشدد کی خبر پھیلی، سوہنا میں مشتعل ہجوم نے چار گاڑیوں اور ایک دکان کو نذر آتش کر دیا، جو بظاہر اس کمیونٹی کے لوگوں کی تھیں۔ نوح اور سوہنا میں حالات بدستور کشیدہ ہیں۔ تاہم منگل کو کسی تازہ تشدد کی کوئی اطلاع نہیں ہے۔ پولیس نے بتایا کہ نوح اور دیگر متاثرہ علاقوں میں پولیس اور نیم فوجی دستوں کو بڑی تعداد میں تعینات کیا گیا ہے۔ ہریانہ کے وزیر اعلیٰ منوہر لال کھٹر نے پیر کو کہا کہ واقعہ کے ذمہ داروں کے خلاف ’’سخت ترین کارروائی‘‘ کی جائے گی۔
یہ بھی پڑھیں- Haryana Violence: نوح کے بعد سوہنا میں تشدد، فسادیوں نے گاڑیوں کو لگائی آگ، دو ہوم گارڈ ہلاک، انٹرنیٹ سروس معطل
Anjuman Masjid of Gurugram Sector 57 has been set on fire by Hindu mob, and three Muslims have been injured and admitted to W Pratiksha Hospital. According to locals, Praveen Hindustani and Amit Hindu are behind this.@TheObserverPost pic.twitter.com/D0W4SZUQMr
— Meer Faisal (@meerfaisal01) July 31, 2023
چیف منسٹر نے ایک ٹویٹ میں کہا کہ، ”آج کا واقعہ افسوسناک ہے۔ میں تمام لوگوں سے ریاست میں امن برقرار رکھنے کی اپیل کرتا ہوں۔ قصورواروں کو کسی بھی قیمت پر بخشا نہیں جائے گا، اور ان کے خلاف سخت ترین کارروائی کی جائے گی۔”
-بھارت ایکسپریس
