مرکزی حکومت کے بہار کے مختلف اضلاع میں 19 کیندریہ ودیالیہ کھولے جانے کے فیصلے کو قومی جمہوری اتحاد (این ڈی اے) میں شامل جماعتوں کے رہنماؤں نے ستائش کی ہے۔ بی جے پی اورجے ڈی یوکے علاوہ ہندوستانی عوام مورچہ کے لیڈران نے مرکزی حکومت کے اس فیصلے پروزیراعظم نریندرمودی کا شکریہ ادا کیا۔
بہار کے لیے تاریخی سوغات
جے ڈی یوکے کارگزارصدرسنجے کمارجھا نے کہا کہ بہارکے لیے تاریخی سوغات ہے۔ انہوں نے ایکس پرلکھا، “آج وزیراعظم نریندرمودی کی صدارت میں ہوئی معاشی معاملوں کی وزارتی کمیٹی کی اہم میٹنگ میں ملک بھر میں سول سیکٹر کے تحت 57 نئے کیندریہ ودیالیہ کھولنے کو منظوری دی گئی ہے۔ ان میں سے 19 کیندریہ ودیالیہ بہارکے مختلف اضلاع میں کھلیں گے، جن میں مدھوبنی، دربھنگہ، سیتامڑھی، کٹیہار، مدھے پورا، بھاگلپوراورمونگیر اضلاع شامل ہیں۔”
बिहार के लिए ऐतिहासिक सौगात!
हमें शेयर करते हुए खुशी है कि आज माननीय प्रधानमंत्री श्री नरेंद्र मोदी जी की अध्यक्षता में हुई आर्थिक मामलों की मंत्रिमंडलीय समिति की महत्वपूर्ण बैठक में देशभर में सिविल सेक्टर के अंतर्गत 57 नए केंद्रीय विद्यालय (KVs) खोलने को मंजूरी दी गई है। इनमें… pic.twitter.com/iOrwg8evPT
— Sanjay Kumar Jha (@SanjayJhaBihar) October 1, 2025
بہارمیں تعلیم کی سمت میں بڑا قدم
انہوں نے مزید کہا کہ بہار میں نئی نسل کو معیاری تعلیم فراہم کرانے کی سمت میں اس بہت ہی اہم فیصلے کے لیے پی ایم مودی، وزیراعلیٰ نتیش کماراورمرکزی وزیرتعلیم دھرمیندرپردھان کو تمام ہی بہارکے باشندوں کی جانب سے تہہ دل سے شکریہ ادا کیا۔ انہوں نے کہا کہ بہار میں دہائیوں بعد اتنی بڑی تعداد میں نئے کیندریہ ودیالیہ کھلنے سے تعلیم کے میدان میں بڑی تبدیلی آئے گی۔ ریاستی حکومت نے نئے کیندریہ ودیالیہ کھولنے کے لیے حاصل اراضی کی نشاندہی کرکے اس کی تجویز پہلے ہی مرکزی حکومت کو بھیج دی ہے۔ اس لیے ان اسکولوں کو شروع کرنے کا عمل بھی جلد مکمل ہو جائے گا۔
وہیں ہندوستانی عوام مورچہ کے سربراہ اورمرکزی وزیرجیتن رام مانجھی نے کہا کہ گیاجی کے لیے مہانومی کے دن ایک اورخوشخبری آئی ہے۔ وزیراعظم نریندرمودی کی وجہ سے بودھ گیا میں کیندریہ ودیالیہ کھلنے کی سمت میں ہماری کوشش کامیاب ہوگئی ہے۔ اب بودھ گیا میں کیندریہ ودیالیہ قائم کیا جائے گا۔
نیا بھارت، نئی تعلیم، نئے مواقع
بہارکے نائب وزیراعلیٰ سمراٹ چودھری نے کہا ، ” نیا بھارت، نئی تعلیم، نئے مواقع” وزیراعظم نریندرمودی کی صدارت میں ہوئی کابینہ کمیٹی آن اکونامک افیئرس کی میٹنگ میں ملک بھرمیں 57 نئے کیندریہ ودیالیہ کھولنے کو منظوری دی گئی ہے۔ انہوں نے ایکس پرلکھا، ”یہ فیصلہ معیاری تعلیم کوہرکونے تک پہنچانے اورطلبہ کویکسرمواقع فراہم کرانے کی سمت میں ایک تاریخی قدم ہے اورنئی نسل کے روشن مستقبل کی بنیاد بھی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
