ریلائنس انڈسٹریز لمیٹیڈ اور بھارت کی سب سے بڑی ریٹیل کمپنی ریلائنس ریٹیل کے چیئرمین اور منیجنگ ڈائریکٹر مکیش امبانی نے حکومت ہند کی جانب سے گڈز اینڈ سروسز ٹیکس (جی ایس ٹی) کی شرحوں میں اصلاحات کا خیر مقدم کیا ہے۔ انھوں نے ان اصلاحات کو صارفین پر مبنی ترقی کے لیے ایک ’’غیرمعمولی بوسٹر‘‘ قرار دیا۔ ان اصلاحات کے لیے وزیر اعظم نریندر مودی کو مبارکباد پیش کرتے ہوئے مکیش امبانی نے کہا کہ ’’جی ایس ٹی کی شرحوں کی درجہ بندی اشیاء اور خدمات کو مزید سستا بنانے، کاروبار کے لیے آسانیاں بڑھانے، مہنگائی کم کرنے اور مجموعی طور پر صارفین کے خرچ میں اضافہ کرنے کے لیے یہ ایک اہم پیش رفت ہے۔‘‘
مکیش امبانی نے مزید کہا کہ ’’یہ اصلاحات بھارت کی معاشی ترقی کو مزید تیز کرنے کی صلاحیت رکھتے ہیں، جو پہلے ہی مالی سال کی پہلی سہ ماہی میں 7.8 فیصد تک پہنچ چکی ہے۔‘‘ دریں اثنا ریلائنس ریٹیل وینچرز لمیٹڈ کی ایگزیکٹو ڈائریکٹر ایشا امبانی نے بھی ان اصلاحات کو ’’انقلابی قدم‘‘ قرار دیا اور اعلان کیا کہ ریلائنس ریٹیل ان اصلاحات کے تحت حاصل ہونے والے تمام فوائد کو پہلے ہی دن سے صارفین کو منتقل کرے گی۔
ایشا امبانی نے کہا کہ ’’یہ اصلاحات نہ صرف گھریلو بجٹ کو راحت فراہم کریں گی بلکہ صنعت کے لیے تعمیل کے عمل کو بھی آسان بنائیں گی۔ ہمارا وعدہ صاف ہے: جب بھی لاگت میں کمی ہوگی، ہمارے صارفین کو اس کا براہِ راست فائدہ ملے گا۔‘‘ انھوں نے مزید کہا کہ یہ اقدامات حکومت کے اس ارادے کو ظاہر کرتے ہیں جو کاروباری آسانیوں اور صارفین کی فلاح کو فروغ دینے کے لیے کیے جا رہے ہیں۔
ریلائنس ریٹیل نے کیا فوری فائدہ پہنچانے کا اعلان
ریلائنس ریٹیل نے اعلان کیا ہے کہ وہ صارفین، کسانوں، چھوٹے تاجروں، پیدا کنندگان اور خوردہ فروشوں سمیت پورے ویلیو چین میں شفاف طریقے سے فوائد پہنچائے گی۔ یہ فیصلہ بھارت کی 1.4 ارب کی آبادی کے لیے ایک زیادہ جامع، مسابقتی اور قابلِ استطاعت صارف معیشت کی تعمیر میں اہم سنگ میل ثابت ہوگا۔ ریلائنس ریٹیل نے اس عزم کا اعادہ کیا ہے کہ وہ معیار، قدر اور رسائی کے اصولوں پر عمل کرتے ہوئے ہر بھارتی گھرانے کے لیے بہتر خدمات فراہم کرتا رہے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
