سری نگر: جموں و کشمیر کے وزیر اعلیٰ عمر عبداللہ کی جانب سے ایران کے خلاف اسرائیلی حملوں کی مذمت کیے جانے کے بعد پیپلز ڈیموکریٹک پارٹی (پی ڈی پی) کی صدر محبوبہ مفتی نے سخت ردعمل ظاہر کیا ہے۔ انہوں نے کہا کہ وزیر اعلیٰ کو ایران پر اسرائیلی حملے کی واضح الفاظ میں مذمت کرنے میں پورا ایک مہینہ لگ گیا، جو انتہائی افسوسناک ہے۔
محبوبہ مفتی کا سخت بیان
محبوبہ مفتی نے جمعہ کے روز سوشل میڈیا پلیٹ فارم ’ایکس‘ پر لکھا، ’’کتنا مایوس کن ہے کہ ہمارے وزیر اعلیٰ، جو بھارت کی واحد مسلم اکثریتی ریاست کے واحد مسلم وزیر اعلیٰ ہیں، کو اسرائیل کی جانب سے ایران پر کیے گئے حملے کی واضح مذمت کرنے میں پورا ایک مہینے کا وقت لگ گیا۔ یہاں تک کہ پنجاب اسمبلی نے بھی فوری تیزی دکھاتے ہوئے سب سے پہلے ایک قرارداد منظور کر کے ایران کے ساتھ اپنی یکجہتی کا مظاہرہ کیا۔ پھر جموں و کشمیر حکومت نے تو کوئی جلدی دکھائی اور نہ ہی کوئی سنجیدہ تشویش ظاہر کی، بلکہ واضح اور اصولی موقف اپنانے کے بجائے اپنا ردعمل محض بیانات اور تقاریر تک ہی محدود رکھا۔
عمر عبداللہ کا اسمبلی میں بیان
اس سے قبل جمعہ کے روز وزیر اعلیٰ عمر عبداللہ نے جموں و کشمیر اسمبلی میں ایران تنازع پر بات کرتے ہوئے فوری امن اور سفارتی مداخلت کا مطالبہ کیا۔ انہوں نے کہا کہ ایران پر ایک ناجائز اور غیر قانونی جنگ مسلط کی گئی ہے اور اس کی جتنی بھی مذمت کی جائے کم ہے۔
انہوں نے کہا، ’’جس طرح انسانیت کا قتل کرتے ہوئے بے رحمی سے ایران کے سپریم لیڈر خامنہ ای اور ان کے کئی ساتھیوں اور رشتہ داروں کو شہید کیا گیا، وہ انتہائی افسوسناک ہے۔ افسوس کی بات یہ ہے کہ یہ تنازعہ وہیں نہیں رکا۔ اسکول میں پڑھتے ہوئے معصوم بچوں کو جس طرح بے رحمی سے مارا گیا، شاید ہی تاریخ میں اس طرح کی کا واقعہ ہوا ہوگا۔‘‘
جنگ کے مقصد پر سوال
وزیر اعلیٰ عمر عبداللہ نے مزید کہا کہ اس جنگ کا مقصد کیا ہے، یہ ابھی تک سمجھ نہیں آیا ہے۔ امریکی صدر کے کی بات سنیں تو انہیں خود احساس نہیں ہے کہ ایران پر یہ جنگ کیوں مسلط کی گئی۔
کشمیر میں احتجاج کا سلسلہ
قابل ذکر ہے کہ اسرائیلی حملوں میں ایران کے سابق سپریم لیڈر علی خامنہ ای کی موت کے بعد جموں و کشمیر میں مسلسل احتجاج دیکھنے کو ملا ہے۔ سری نگر سمیت کشمیر کے مختلف علاقوں میں اسرائیلی حملوں کے خلاف مظاہرے کیے گئے اور ایران کے ساتھ یکجہتی کا اظہار کیا گیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
