نئی دہلی :مرکزی وزیر داخلہ امت شاہ نےمنگل کے روز دہلی حکومت کی جانب سے 70 لاکھ پودے لگانے کی ایک بڑے پیمانے کی شجرکاری مہم کا افتتاح کیا۔ اس ماحول دوست مہم کے تحت نئی دہلی میونسپل کونسل (این ڈی ایم سی) دارالحکومت کے 34 اہم مقامات پر “میگا شجرکاری مہم” کا انعقاد کیا، جس کا مقصد دہلی کے سبز رقبے میں اضافہ اور ماحولیاتی توازن کو مزید مضبوط بنانا ۔این ڈی ایم سی کے نائب چیئرمین کلجیت سنگھ چہل نے بتایا کہ اس خصوصی مہم کے تحت کونسل نے 600 بڑےپودے اور 50 ہزار چھوٹےپودے لگانے کا ہدف مقرر کیا ہے۔ شجرکاری کو بروقت مکمل کرنے کے لیے 50 ہزار سے زائد مقامات پہلے ہی تیار کیے جا چکے ہیں۔ ان کے مطابق اس مہم میں پیپل، نیم، جامن، املی، چمپا، اشوک، گلموہر اور املتاس سمیت مختلف مقامی اور ماحول دوست درختوں کے پودے لگائے جائیں گے۔
انہوں نے کہا کہ این ڈی ایم سی کے سبز علاقوں کی حیاتیاتی تنوع اور قدرتی خوبصورتی کو بڑھانے کے لیے ہیمیلیا، جسٹیشیا، کینا، للی، مریا اور دیگر مقامی اقسام کی آرائشی پودے بھی لگائی جائے گے۔ اس مہم میں این ڈی ایم سی کے تمام اراکین، مختلف محکموں کے سربراہان، افسران اور ملازمین خود شجرکاری میں حصہ لیں گے اور مختلف مقامات پر پودے لگائیں گے۔کلجیت سنگھ چہل نے زور دے کر کہا کہ این ڈی ایم سی کے لیے شجرکاری صرف ایک روزہ تقریب نہیں بلکہ ایک مسلسل عوامی تحریک ہے۔ انہوں نے بتایا کہ “ایک پیڑ ماں کے نام” مہم کے تحت این ڈی ایم سی مسلسل 31 اتوار کامیابی کے ساتھ شجرکاری پروگرام منعقد کر چکی ہے۔ اس کے علاوہ قومی تہواروں، خصوصی مواقع اور مختلف عوامی تقریبات کے دوران بھی باقاعدگی سے پودے لگانے کی سرگرمیاں جاری رکھی جاتی ہیں۔ انہوں نے مزید کہا کہ اس مہم میں ریذیڈنٹ ویلفیئر ایسوسی ایشنز (RWA)، مارکیٹ ٹریڈرز ایسوسی ایشنز (MTA)، اسکولوں، تعلیمی اداروں اور مقامی رہائشیوں کی بھرپور شرکت دیکھنے کو ملی ہے، جس نے اسے حقیقی معنوں میں عوامی شمولیت کی ایک کامیاب مثال بنا دیا ہے۔
Delhi: On the mega plantation drive, BJP MP Praveen Khandelwal says, “The Delhi government and the Chief Minister have taken the initiative to reduce pollution in the city by planting more than 70 lakh trees. Today, Union Home Minister Amit Shah planted trees at this location.… pic.twitter.com/e6JhXiSWp2
— IANS (@ians_india) July 7, 2026
این ڈی ایم سی کے نائب چیئرمین کے مطابق کونسل اس وقت تقریباً 1,450 ایکڑ پر محیط سبز علاقوں کی دیکھ بھال کر رہی ہے، جن میں چھ بڑے پارک، 122 کالونی پارکس، سی پی ڈبلیو ڈی کے زیر انتظام 981 پارکس، 52 اسکولوں کے سبز علاقے، 51 گول چکر، 14 مارکیٹ گارڈنز اور تقریباً 15 ہزار سڑکوں کے کنارے لگائے گئے درخت شامل ہیں۔انہوں نے بتایا کہ اگرچہ این ڈی ایم سی کا علاقہ دہلی کے کل جغرافیائی رقبے کا صرف تقریباً تین فیصد ہے، اس کے باوجود یہ ادارہ پوری قومی راجدھانی کے مجموعی سبز احاطے میں تقریباً 55 فیصد حصہ ڈالتا ہے، جو اسے ملک کے سب سے زیادہ سرسبز شہری بلدیاتی اداروں میں شامل کرتا ہے۔ حکام کے مطابق اس مہم کا مقصد نہ صرف شجرکاری کو فروغ دینا ہے بلکہ عوام میں ماحول کے تحفظ اور پائیدار ترقی کے حوالے سے شعور بھی اجاگر کرنا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
