عام آدمی پارٹی کے راجیہ سبھا رکن پارلیمنٹ سنجے سنگھ۔
Manish Sisodia Arrested: شراب پالیسی معاملے میں سی بی آئی کے ذریعہ گرفتار کئے گئے دہلی کے نائب وزیراعلیٰ منیش سسودیا کا پیر کے روز ڈاکٹروں کی ایک ٹیم نے میڈیکل کا جائزہ لیا۔ سی بی آئی نے اپنے ہیڈ کوارٹر میں میڈیکل چیک اپ کرایا۔ لا اینڈ آرڈر کی صورتحال کو دیکھتے ہوئے انہیں ایمس نہیں لے جایا جاسکا۔
منیش سسودیا کو راؤزایوینیو ڈسٹرکٹ کورٹ لے جایا جائے گا اور سیشن کورٹ میں پیش کیا جائے گا۔ سی بی آئی ان کی دو ہفتے کی حراست کا مطالبہ کرے گی۔ حالانکہ اس سے پہلے جانچ ایجنسی نے انہیں ویڈیو کانفرنسنگ کے ذریعہ پیش کرنے کا منصوبہ بنایا تھا۔
واضح رہے کہ شراب پالیسی مبینہ گھوٹالے میں اتوار کے روز منیش سسودیا کو سی بی آئی نے پورے دن پوچھ گچھ کے بعد گرفتار کرلیا تھا۔ عام آدمی پارٹی کے رکن پارلیمنٹ سنجے سنگھ نے کہا کہ ‘منیش سسودیا کو گرفتار کرنا مودی حکومت کی بربریت کی مثال ہے، یہ ان کی بزدلانہ کارروائی ہے اور دوسری طرف مودی جی کے دوست اڈانی ہیں، جنہوں نے لاکھوں کروڑ روپئے کا گھوٹالہ کیا، لیکن ان کے اوپر کوئی کارروائی نہیں ہو رہی ہے’۔
मनीष सिसोदिया को गिरफ्तार करना मोदी की सरकार का कायरतापूर्ण परिचय है, ये उनकी कायरतापूर्ण कार्रवाई है और दूसरी तरफ मोदी जी के मित्र अडानी है जिन्होंने लाखों-करोड़ का घोटाला किया लेकिन उनके ऊपर कोई कार्रवाई नहीं हो रही है: संजय सिंह,आम आदमी पार्टी सांसद संजय सिंह, दिल्ली pic.twitter.com/mTR6AQW5dq
— ANI_HindiNews (@AHindinews) February 27, 2023
’حکومت اڈانی کی نوکر ہے اور ہم ان سے نہیں ڈرتے‘
سنجے سنگھ نے کہا ‘میں وزیراعظم سے پوچھتا ہوں کہ آپ اپنے منہ سے اڈانی کا نام کیوں نہیں لیتے؟ آپ کے پاس ہمت نہیں کہ آپ اڈانی کے خلاف کارروائی کرسکیں۔ ان کی حکومت اڈانی کی نوکر ہے اور ہم ان سے نہیں ڈرتے ہیں۔ آپ کو جتنا جیل میں ڈالنا ہو ڈالئے، لیکن آپ کی بدعنوانی کے خلاف ہم لڑتے رہیں گے’۔
-بھارت ایکسپریس
